నయన్ ఇన్ స్ట్రా ఎంట్రీ..!

దక్షిణాది భాషల్లో దూసుకుపోవడమే కాదు ‘జవాన్’ సినిమాతో బాలీవుడ్ లోకిఅడుగు
పెట్టింది నయనతార. ఇప్పుడు ఆదే జోష్ ఇన్ స్టాలో కూడా ఎంట్రీ ఇచ్చింది. ఇప్పటి
వరకు నయనతారకు సంబందించిన విషయాలన్ని గత కొన్నేళ్లుగా ఆమె భర్త విఘ్నేష్ శివన్
సామాజిక మాధ్యమాల వేదికగా అభిమానులతో పంచుకున్నారు. ఇప్పుడీ లేడీ సూపర్ స్టార్
ఈ గ్రాండ్ ఎంట్రీతో తన విషయాలను అభిమానులకు తానే స్వయంగా చెప్పాలని
నిర్ణయించుకుంది. గురువారం తొలి ఇన్ స్ట్రా అకౌంట్ ను తెరిచిన ఈమె తన పిల్లలు
ఉయిర్, ఉలగం లతో కలిసి ఉన్న వీడియోను పోస్ట్ చేసింది. తెల్లని దుస్తులు
ధరించి, కళ్లద్దాలు పెట్టుకొని చిన్నారులను ఎత్తుకొని, ‘జైలర్’ చిత్రంలోని
‘హుకుం’ పాటతో మాస్ లుక్ లో ఉన్న వీడియోను అభిమానులతో పంచుకుంది. ‘నేను
వచ్చానని అందరికీ చెప్పండి’ అంటూ ఆ వీడియోకు వ్యాఖ్యని జోడించింది దానితో పాటు
నాకు ఎంతో ఇష్టమైన నటుడు షారుఖ్ తో కలిసి నేను చేసిన మొదటి సినిమా ఇది. ఎంతో
ప్రేమతో కష్టపడి ఈ చిత్రం తీశాము. మీరు కూడా దీన్ని ఇష్టపడతారని, మీ ప్రేమను
పంచుతారని ఆశిస్తున్నాను అంటూ ‘జవాన్’ ట్రైలర్ ను పోస్ట్ చేసింది ఈ
ముద్దుగుమ్మ.