త్వరలో పట్టాలెక్కనున్న బన్నీ, త్రివిక్రమ్ ల చిత్రం..?

బన్నీ, త్రివిక్రమ్ కలయికలో గీతా ఆర్ట్స్, హారిక అండ్ హాసిని క్రియే షన్స్
సంస్థలు ఓ సినిమా నిర్మించబోతున్న విషయం తెలిసిందే.. పీరియాడిక్ కథాంశంతో ఈ
సినిమా రూపొందనున్నట్లు సమాచారం. కథాపరంగా ఇందులో ఓ ఫ్లాష్ బ్యాక్ ఎపిసోడ్
కూడా ఉందని అది ఓ సోషియో ఫాంటసీ నేపథ్యంలో ఉంటుందని విశ్వసనీయ వర్గాల సమాచారం.
భారీ బడ్జెట్ తో తెరకెక్కుతున్న ఈ సినిమాకు థమన్ సంగీతం అందిస్తున్నాడు.
త్రివిక్రమ్, బన్నీ కాంబినేషన్ లో గతంలో వచ్చిన జులాయి, సన్నాఫ్ సత్యమూర్తి,
అలవైకుంఠపురములో సినిమాలు ఘన విజయాలు సాధించిన విషయం తెలిసిందే. దాంతో వీరి
కలయికలో వస్తున్న ఈ నాలుగో సినిమాపై భారీ అంచనాలున్నాయ్. ‘పుష్ప – 2’ షూటింగ్
లో ప్రస్తుతం బిజీగా ఉన్న బన్నీ త్వరలోనే ఈ సినిమాను కూడా
పట్టాలెక్కించనున్నాడు. ఈ సినిమాకు సంబంధించిన పూర్తి వివరాలు త్వరలోనే
వెల్లడించనున్నారు.