ఎంతో ఆసక్తిగా ఎదురుచూస్తున్నా…!

‘ప్రస్తుతం ఉన్న కథానాయికలకు మంచి అవకాశాలు అందుతున్నాయి అంటోంది నటి నభా
నటేష్, ‘ఇస్మార్ట్ శంకర్’, ‘సోలో బ్రతుకే సో బెటరు’, ‘మాస్ట్రో’ లాంటి
చిత్రాలతో గుర్తింపు తెచ్చుకున్న ఈ కథానాయిక కొన్నాళ్లుగా తెరపై కనిపించడం
లేదు. ఇప్పుడు కొత్త ఉత్సాహంతో ప్రేక్షకులను అలరించడానికి సిద్ధమవుతోంది.
“లాక్ డౌన్ సమయంలో ప్రతి ఒక్కరూ తమ వృత్తికి దూరంగా ఉన్నారు. నేను మాత్రం ఓ
ప్రమాదం వల్ల ఆ లాక్ డౌన్ ను ఇప్పటివరకూ కొనసాగిస్తూనే ఉన్నాను. కానీ ఇప్పుడు
“రెట్టింపు ఉత్సాహంతో ప్రేక్షకుల
ముందుకు వచ్చేందుకు ఎంతో ఆసక్తిగా ఎదురుచూస్తున్నాను” అని తెలిపింది. తెలుగు,
తమిళ భాషల్లో ఆమె కొన్ని ప్రాజెక్టులకు ఓకే చెప్పినట్టు సమాచారం. కానీ ఇప్పటి
వరకు వాటిని అధికారికంగా ప్రకటించలేదు.