మరోసారి అనిల్ రావిపూడి దర్శకత్వంలో మహేష్..?

అనిల్ రావిపూడి దర్శకత్వం లో మహేష్ బాబు నటించిన ‘సరిలేరు నీకెవ్వరు’ చిత్రం
మంచి కమర్షియల్ సినిమాగా నిలిచింది. మరోసారి వీరిద్దరూ జోడీ కట్టే అవకాశాలు
ఉన్నట్టు తెలుస్తోంది. మహేశ్ కోసం అనిల్ రావిపూడి ఓ కథ సిద్ధం చేశారని
తెలిసింది. మహేశ్ ప్రస్తుతం “గుంటూరు కారం” సినిమాతో బిజీగా ఉన్నారు.
సంక్రాంతికి ఈ చిత్రాన్ని విడుదల చేయనున్నారు. ఆ తరవాత రాజమౌళితో సినిమా
చేయాలి. రాజమౌళితో సినిమా అంటే కనీసం రెండేళ్లు కేటాయించాల్సిందే. ప్రీ
ప్రొడక్షన్ కోసం రాజమౌళి చాలా సమయం తీసుకొంటారు. ఒకవేళ ‘గుంటూరు కారం’,
రాజమౌళి చిత్రాల మధ్య గ్యాప్ ఎక్కువగా ఉన్నట్లైతే అనిల్ రావిపూడి సినిమా
మొదలవుతుంది. లేదంటే రాజమౌళి సినిమా పూర్తయ్యాకే ఈ ప్రాజెక్ట్
పట్టాలెక్కుతుంది. అనిల్ రావిపూడి దర్శకత్వం వహించిన ‘భగవంత్ కేసరి’ ఈ దసరాకి
ప్రేక్షకుల ముందుకు రాబోతున్న సంగతి తెలిసిందే.