బయపిక్ లో..కృతిసనన్?

‘ఆదిపురుష్’ సినిమా తర్వాత కథానాయిక కృతిసనన్ నటిస్తున్న చిత్రం
ప్రేకషకులముందుకు రావడానికి ముస్తాబవుతోంది. అలనాటి మేటి నటి, దివంగత
మీనాకుమారి బయోపిక్ లో టైటిల్ పాత్ర కోసం కృతి సనన్ ను ఎంపిక చేసినట్లు
సమాచారం. ప్రముఖ ఫ్యాషన్ డిజైనర్ మనీష్ మల్హోత్రా ఈ సినిమాను
తెరకెక్కిస్తున్నారు. నటి మీనా కుమారి జీవితం ఆధారంగా తన మొదటి చిత్రాన్ని
రూపొందించడానికి. మనీష్ మల్హోత్రా సిద్ధంగా ఉన్నారు. ప్రస్తుతం ఇది స్క్రిప్ట్
దశలో ఉంది. ఈ ఏడాదిలోనే చిత్రీకరణ మొదలవుతుంది. ఇంకా పేరు పెట్టని ఈ
చిత్రాన్ని భూషణ్ కుమార్ నిర్మిస్తున్నారు అని సినివర్గాలు తెలిపాయి. హిందీ
చిత్ర పరిశ్రమలో దిగ్గజ నటిగా పేరు సంపాదించుకున్న మీనాకుమారి నటించిన
‘పాకీజా’, ‘బైజు బావ్రా’, ‘పూల్ఔర్ ‘పత్తర్’ లాంటి సినిమాలు ఇప్పటికీ
ప్రేక్షకుల హృదయాల్లో చిరస్థాయిగా నిలిచిపోయాయి. ఆ ట్రాజెడీ క్వీన్ పాత్రని
కృతి ఎలా రక్తి కట్టిస్తుందో చూడాలి మరి.