వీరసింహారెడ్డి’గా బాలయ్య – కర్నూలు కొండారెడ్డి బురుజు వద్ద టైటిల్ రిలీజ్

నటసింహ నందమూరి బాలకృష్ణ , మాస్ డైరెక్టర్ గోపీచంద్ మలినేనికాంబినేషన్‌లో తెరకెక్కుతున్న మోస్ట్ ఎవైటెడ్ మూవీ 107కు టైటిల్ ఫిక్సయింది. ఈ సినిమాకు ‘వీరసింహారెడ్డి’ అనే టైటిల్‌ను ఫిక్స్ చేశారు. ఈ టైటిల్‌ను ఐకానిక్ ప్లేస్ కర్నూల్ కొండా రెడ్డి బురుజు వద్ద చెప్పిన టైమ్‌కి.. అంటే శుక్రవారం 8 గంటల 15 నిమిషాలకు రివీల్ చేశారు. >

అయితే అంతకుముందే ఈ టైటిల్ లీక్ అయిన విషయం తెలిసిందే. అయితే కొండారెడ్డి బురుజు వద్ద.. భారీగా తరలివచ్చిన అభిమానుల మధ్య ఈ టైటిల్ లుక్‌ పోస్టర్‌ని మేకర్స్ విడుదల చేశారు. ఈ టైటిల్ లుక్ పోస్టర్‌లో బాలయ్య పవర్ ఫుల్ లుక్‌లో.. వేటకి సిద్ధం అనేలా ఉన్నారు. ‘పులిచర్ల’ మైలురాయిపై కాలు పెట్టి.. రండిరా చూసుకుందాం అనే రేంజ్‌లో ఉండగా.. ఆయన ఆయుధం గొడ్డలి కూడా పక్కన నేనూ సిద్ధం అనేలా ఉంది. మొత్తం అయితే.. ఈ స్టిల్‌తో ఈ సంక్రాంతికి మాస్ జాతరే అన్నట్లుగా మేకర్స్ క్లారిటీ ఇచ్చేశారు. ప్రస్తుతం ఈ టైటిల్ లుక్ వీడియో సోషల్ మీడియాని షేక్ చేస్తోంది.

బాలయ్య సరసన ఫస్ట్ టైమ్ శృతి హాసన్ కథానాయికగా నటిస్తున్న ఈ చిత్రంలో దునియా విజయ్, వరలక్ష్మి శరత్‌కుమార్ కీలక పాత్రలు పోషిస్తున్నారు. సంగీత సంచలనం ఎస్ థమన్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ పతాకంపై నిర్మాతలు నవీన్ యెర్నేని, వై రవిశంకర్ ఈ చిత్రాన్ని భారీగా నిర్మిస్తున్నారు. స్టార్ రైటర్ సాయి మాధవ్ బుర్రా డైలాగ్స్ అందించగా, నవీన్ నూలి ఎడిటర్ గా, ఎఎస్ ప్రకాష్ ప్రొడక్షన్ డిజైనర్ గా పని చేస్తున్నారు.