కార్తీక్ రాజు – సిమ్రాన్ చౌదరి జంటగా క్రైమ్ థ్రిల్లర్ ‘అథర్వ’ …!

క్రైమ్ థ్రిల్లర్ జోనర్లో రూపొందే సినిమాలను చూడటానికి ఒక వర్గం ప్రేక్షకులు
ఎప్పుడూ సిద్ధంగా ఉంటారు. అలాంటి ప్రేక్షకులను ఆకట్టుకోవటానికి ‘అథర్వ’
సిద్ధమవుతోంది. కార్తీక్ రాజు – సిమ్రాన్ చౌదరి జంటగా నటించిన ఈ సినిమా,
విభిన్నమైన కథాంశంతో ప్రేక్షకుల ముందుకు రానుంది.

సుభాష్ నిర్మించిన ఈ సినిమాకి మహేశ్ రెడ్డి దర్శకత్వం వహించాడు. క్రైమ్
థ్రిల్లర్ జోనర్లో ఈ సినిమా ఉత్కంఠభరితంగా కొనసాగనుంది. ఎప్పుడు ఏం
జరుగుతుందా? అనే ఆసక్తితో ప్రేక్షకులు వెయిట్ చేస్తూ ఉండేలా ఈ కథ నడుస్తుందని
దర్శకుడు చెబుతున్నాడు.

ప్రస్తుతం ఈ సినిమా పోస్ట్ ప్రొడక్షన్ పనులు చివరిదశకి చేరుకున్నాయి. ఐరా ..
అరవిందకృష్ణ .. కబీర్ సింగ్ దుల్హన్ ముఖ్యమైన పాత్రలలో కనిపించనున్నారు.
తెలుగుతో పాటు, తమిళ .. మలయాళ .. కన్నడ .. హిందీ భాషల్లో, జూన్ లో ఈ సినిమాను
విడుదల చేయనున్నారు.