జపాన్‌కు ఎన్టీఆర్‌, రామ్‌ చరణ్‌ – -ఆర్.ఆర్.ఆర్. విడుదలకు సిద్ధం

ఈ ఏడాది బిగ్గెస్ట్‌ హిట్‌ చిత్రాల్లో ఎన్టీఆర్‌, రామ్‌చరణ్‌ మల్టీస్టారర్‌ ‘ఆర్‌ఆర్‌ఆర్‌’ ఒకటి. రాజమౌళి దర్శకత్వ ప్రతిభ సినిమాను ఓ రేంజ్‌లో నిలబెట్టింది. ప్రస్తుతం ఆస్కార్‌ నామినేషన్ల రేసులోనూ నిలిచింది. అయితే ఇప్పుడు ‘ఆర్‌ఆర్‌ఆర్‌’ చిత్రం జపనీస్‌ భాషలో విడుదలవుతోంది. రాజమౌళి గత చిత్రం ‘బాహుబలి’ సిరీస్‌కు జపాన్‌లో మంచి ఆదరణ దక్కింది. అందుకే ఈ నెల 21న ‘ఆర్‌ఆర్‌ఆర్‌’ను భారీ స్థాయిలో అక్కడ విడుదల చేస్తున్నారు. చిత్రబృందం ప్రచార కార్యక్రమాలను కూడా పెద్దఎత్తున నిర్వహిస్తోంది. ఈ కార్యక్రమాల్లో పాల్గొనేందుకు రామ్‌చరణ్‌, ఉపాసనతో కలసి జపాన్‌కు బయల్దేరారు. విమానాశ్రయంలో దంపతులిద్దరూ కలసి దిగిన ఫొటో ఇప్పుడు సోషల్‌ మీడియాలో వైరల్‌ అయింది. ఎన్టీఆర్‌ కుటుంబంతో మంగళవారం జపాన్‌కు బయల్దేరారు. రాజమౌళి కూడా అక్కడకు వెళ్లబోతున్నారు.