సల్మాన్ ఖాన్.. వెంకటేష్‏తో డ్యాన్స్ పై రామ్ చరణ్ రియాక్షన్.. ‘ఏంటమ్మా’ సాంగ్‌ గురించి ఆసక్తికర కామెంట్స్..

సూప‌ర్ స్టార్ స‌ల్మాన్ ఖాన్‌, విక్ట‌రీ వెంక‌టేష్‌లతో క‌లిసి రామ్ చ‌ర‌ణ్
క‌లిసి చేసిన డాన్స్‌కి ఎక్స్‌ట్రార్డిన‌రీ రెస్పాన్స్ వ‌చ్చింది. మాస్ సాంగ్
లో లుంగీ కట్టి ముగ్గురూ వేసిన స్టెప్స్ ముగ్గరు హీరోల ఫ్యాన్స్ ను
అలరిస్తోంది. ఈ పాట రిలీజైన రెండు రోజుల్లోనే అన్నీ సామాజిక మాధ్య‌మాల్లో
క‌లిపి 43 మిలియన్స్‌కు పైగా వ్యూస్‌ను సాధించి దూసుకెళ్తోంది.
ఈ నేప‌థ్యంలో చిత్ర నిర్మాత‌లు ఈ సాంగ్‌కు సంబంధించిన బీటీఎస్ వీడియోను
గురువారం రిలీజ్ చేశారు.బాలీవుడ్ స్టార్ హీరో సల్మాన్ ఖాన్.. పూజా హెగ్డే
జంటగా నటిస్తోన్న చిత్రం కిసీ కా భాయ్ కిసీ కా జాన్.. ఇందులో టాలీవుడ్ స్టార్
హీరో విక్టరీ వెంకటేశ్ కీలకపాత్రలో నటిస్తున్నారు. ఇప్పటికే ఈ సినిమా నుంచి
విడుదలైన పోస్టర్స్ ఆకట్టుకోగా.. ఇటీవల విడుదలైన ఏంటమ్మ పాటకు మంచి రెస్పాన్స్
వచ్చింది. అయితే ఇందులో గ్లోబ‌ల్ స్టార్ రామ్ చ‌ర‌ణ్ అతిథి పాత్రలో తళుక్కున్న
మెరిసిన సంగతి తెలిసిందే.
జాతీయ స్థాయిలో తుఫానులా ప్ర‌భంజ‌నాన్ని సృష్టించిన పాట గురించి చరణ్
మ‌న‌సులో మాట‌ను తెలియ‌జేశారు. ‘ఏంట‌మ్మా’ సాంగ్‌ను చేసేట‌ప్పుడు తెగ ఎంజాయ్
చేశాన‌ని, అంద‌రం క‌లిసి అద‌ర గొట్టేశామ‌ని అన్నారు చరణ్.