ఎన్టీఆర్ సరసన జాన్వీ కపూర్..

టాలీవుడ్ ప్రముఖ దర్శకుడు కొరటాల శివ దర్శకత్వంలో యంగ్ టైగర్ ఎన్టీఆర్ 30వ
సినిమా తెరకెక్కుతోన్న విషయం తెలిసిందే. అయితే ఈ సినిమా అనౌన్స్
చేసిన్పటినుంచీ దీనిపై వార్తలు వస్తూనే ఉన్నాయి. ఈ మూవీ ఇప్పటివరకూ
అధికారికంగా లాంచ్ కాలేదు. ఈ మూవీలో హీరోయిన్ ఎవరు అనే దానిపై ముందునుంచీ
పుకార్లు వస్తూనే ఉన్నాయి. అయితే తాజాగా ‘ఎన్టీఆర్ 30’ లో హీరోయిన్ గా
బాలీవుడ్ బ్యూటీ జాన్వీ కపూర్ ను ఎంపిక చేసినట్టు అధికారికంగా మేకర్స్ ప్రకటన
చేశారు. నటి జాన్వీ కపూర్ పుట్టిన రోజు సందర్భంగా ఈ మేరకు మూవీ మేకర్స్ ఆమెను
హీరోయిన్ గా పరిచయం చేశారు. దీంతో ఎన్టీఆర్ అభిమానులు హర్షం వ్యక్తం
చేస్తున్నారు. జాన్వీ కపూర్, ఎన్టీఆర్ జంటను తెరపై ఊహించుకుంటూ నందమూరి
ఫ్యాన్స్ కామెంట్స్ చేస్తున్నారు.