‘ఏ మాయ చేసావె’ ఫొటోను షేర్ చేసిన సమంత.. కానీ..

టాలీవుడ్ యువసామ్రాట్ నాగచైతన్య హీరోగా తెరకెక్కిన రెండో సినిమా ‘ఏ మాయ
చేసావె’. ఈ చిత్రంతోనే స్టార్ హీరోయిన్ సమంత తన సినీ కెరీర్ ని స్టార్ట్
చేసింది. 2010 లో వచ్చిన ఈ సినిమాను గౌతమ్ వాసుదేవ్ మీనన్ డైరెక్ట్ చేశాడు.
మహేష్ బాబు అక్క మంజుల దేవి ఈ చిత్రాన్ని నిర్మించింది. లవ్ అండ్ రొమాంటిక్
డ్రామాగా తెరకెక్కిన ఈ మూవీలో నాగచైతన్య, సమంత మధ్య కెమిస్ట్రీ అందరినీ
ఆకట్టుకుంది. డైరెక్టర్ అవుదాం అనుకుంటున్న కార్తీక్ (నాగచైతన్య) అనే
కుర్రాడికి.. తనకంటే వయసులో పెద్దది అయిన జెస్సి (సమంత) ఎదురు కావడం, కార్తీక్
మొదటి చూపులోనే జెస్సితో ప్రేమలో పడిపోవడం, ఆ తరువాత వారిద్దరి మధ్య ప్రేమ
సంభాషణలను దర్శకుడు గౌతమ్ మీనన్ తెరకెక్కించిన తీరు ప్రతి ఒకరినీ ఫీల్ అయ్యేలా
చేసింది.
కాగా, ఈ మూవీ రిలీజ్ అయ్యి ఫిబ్రవరి 26వ తేదీకి 13 ఏళ్ళు పూర్తి
చేసుకుంది. దీంతో నాగచైతన్య, సమంత తమ ఇన్‌స్టాగ్రామ్ స్టోరీలో ‘ఏ మాయ చేసావె’
గురించి పోస్ట్ లు చేశారు. ఈ క్రమంలోనే నాగచైతన్య తన స్టోరీలో సమంతతో ఉన్న
మూవీ పోస్టర్ ని షేర్ చేశాడు. కానీ, సమంత మాత్రం నాగచైతన్య ఉన్న పోస్టర్
కాకుండా జెస్సి పోస్టర్లు మాత్రమే షేర్ చేసింది.