ఆర్.ఆర్.ఆర్.పాటకు పాక్ నటి స్టెప్పులు..

దర్శక ధీరుడు ఎస్‌ఎస్. రాజమౌళి దర్శకత్వం వహించిన ‘ఆర్ఆర్ఆర్’ సంచలన విజయం
సాధించిన విషయం తెలిసిందే. జూనియర్ ఎన్టీఆర్, రామ్ చరణ్ హీరోలుగా నటించిన ఈ
చిత్రం బాక్సాఫీస్ వద్ద కాసుల వర్షాన్ని కురిపించింది. ఈ మూవీలోని ‘నాటు నాటు’
పాటకు విదేశీయులు కూడా మెస్మరైజ్ అయ్యారు. తాజాగా ఈ ఫీవర్ పాకిస్తాన్‌కు కూడా
పాకింది. పాక్ నటి ఒకరు ఈ పాటకు అదిరిపోయే స్టెప్పులేశారు. అందుకు సంబంధించిన
వీడియో సోషల్ మీడియాలో వైరల్‌గా మారింది. పాకిస్తానీ నటి హనియా ఆమిర్‌ ఓ
పెళ్లికి హాజరయ్యారు. ఈ వేడుకలోనే ‘ఆర్ఆర్ఆర్’ లోని ‘నాటు నాటు’ పాటకు
స్టెప్పులేశారు. ‘నాటు నాటు’ పాట హిందీ వెర్షన్ ‘నాచో నాచో’ కు హుక్ డ్యాన్స్
చేసి ఫంక్షన్‌కు వచ్చిన అతిథులను మెస్మరైజ్ చేశారు. ఈ వీడియో నెట్టింట
వైరల్‌గా మారింది. అభిమానులందరు విపరీతంగా షేర్ చేస్తున్నారు. హనియా అద్భుతమైన
ఎనర్జీతో డ్యాన్స్ చేసిందని కామెంట్ చేస్తున్నారు. ఆమె పోస్ట్‌పై భారత్‌,
పాకిస్థాన్‌ అభిమానులు కామెంట్లు చేశారు.