అభిమానిని కౌగిలించుకున్న అక్షయ్ కుమార్..

త్వరలో రాబోయే ఫ్యామిలీ ఎంటర్టైనర్ చిత్రం ‘సెల్ఫీ’ని ప్రమోట్ చేస్తున్న నటుడు
అక్షయ్ కుమార్, తనను కలవడానికి బారికేడ్ దూకి వచ్చిన అభిమానిని
కౌగిలించుకున్నాడు. ముంబైలో ఆదివారం జరిగిన ఓ ఈవెంటుకు వచ్చిన అక్షయ్ తన
అభిమానులకు కరచాలనం చేస్తూ శుభాకాంక్షలు తెలిపాడు. ఇన్‌స్టాగ్రామ్‌లో పోస్ట్
చేసిన వీడియోలో అభిమాని ఒకరు అక్షయ్ దగ్గర బారికేడ్ దూకి జారిపడ్డాడు. నటుడి
భద్రతా బృందం వెంటనే అతన్ని నేలపైకి నెట్టి దూరంగా ఉండమని సైగ చేసింది. అయితే,
ఆగండంటూ అక్షయ్ వారి వైపు నడిచాడు. తర్వాత అక్షయ్ ఆ ఫ్యాన్‌ను తన దగ్గరికి
లాక్కొని కౌగిలించుకున్నాడు.ఆ బాలుడికి ఏదో చెప్పాడు. అయితే, క్లిప్‌లో అది
వినబడదు. దానికి అతను నవ్వాడు. అక్షయ్ తన అభిమానులకు నవ్వుతూ, అభివాదం చేస్తూ
వెళ్లిపోయాడు. ఈ వీడియోను క్యాప్షన్‌తో షేర్ చేశాడు.