మళ్లీ థియేటర్లలో దిల్‌వాలే దుల్హనియా లే జాయేంగే..

షారుఖ్ ఖాన్ 1995 నాటి కల్ట్ క్లాసిక్ దిల్‌వాలే దుల్హనియా లే జాయేంగే ప్రతి
హృదయాన్ని కదిలించింది. ఫిబ్రవరి 14న వాలెంటైన్స్ వీక్‌ను పురస్కరించుకుని,
ఎవర్‌గ్రీన్ రొమాన్స్ చిత్రం ఒక వారం మొత్తం థియేటర్‌లలో మళ్లీ విడుదలయింది.
బాలీవుడ్ సూపర్ హిట్ మూవీ ‘దిల్వాలే దుల్హనియా లేజాయేంగే’ మళ్లీ విడుదల చేశా
రు. షారుఖ్ ఖాన్, కాజోల్ ఆ సినిమాలో నటించి మెప్పించారు. YRF
డిస్ట్రిబ్యూషన్ వైస్ ప్రెసిడెంట్ రోహన్ మల్హోత్రా మాట్లాడుతూ “దిల్వాలే
దుల్హనియా లే జాయేంగే విడుదలైనప్పటి నుంచి అనేక సంవత్సరాలుగా సినీ
ప్రేక్షకులను, ముఖ్యంగా లవర్స్ ను ఎంటర్ టైన్ చేస్తోంది. ఈ మూవీ రొమాన్స్ కు
కేరాఫ్ అడ్రస్ గా మారింది. కుటుంబ సభ్యులతో కలిసి మళ్లీ మళ్లీ చూడగలిగేలా
సినిమాను విడుదల చేయాలని మరోసారి భావించాం. ఫిబ్రవరి 10 నుంచి భారతదేశం అంతటా
ఒక వారం పాటు థియేటర్లలో సందడి చేస్తోందని వెల్లడించారు.
అత్యధిక వసూళ్లు సాధించిన హిందీ చిత్రం పఠాన్ ఇప్పటికే థియేటర్లలో ఉన్న
సమయంలో ఈ చిత్రం రావడం విశేషం. ఆదివారం యష్ రాజ్ ఫిల్మ్స్ అధికారిక ట్విట్టర్
హ్యాండిల్‌కి వెళ్లి, వివిధ కాలాలకు చెందిన రెండు బ్లాక్‌బస్టర్‌ సినిమాలు
పఠాన్, దిల్ వాలే దుల్హనియా ప్రస్తుతం థియేటర్‌లలో విజయవంతంగా
నడుస్తున్నాయని రాశారు.