కడపలో ఉక్కు కర్మాగారం కాదు…కనీసం ప్రహరీనైనా నిర్మించలేదు : తులసి రెడ్డి

కడప : ఉక్కు కర్మాగారం నిర్మాణాన్ని తక్షణమే చేపట్టాలని డిమాండ్ చేస్తూ
గురువారం కడప ప్రెస్ క్లబ్ లో అఖిలపక్షాల ఆధ్వర్యంలో రౌండ్ టేబుల్ సమావేశాన్ని
ఏర్పాటు చేశారు. మూడేళ్ల లోపు కడపలో ఉక్కు కర్మాగారాన్ని పూర్తి చేస్తానని
చెప్పిన ముఖ్యమంత్రి కనీసం ప్రహరీ కూడా నిర్మించలేదని పీసీసీ కార్యనిర్వాహక
అధ్యక్షులు తులసి రెడ్డి ఆగ్రహం వ్యక్తం చేశారు. సీపీఐ నాయకులు మాట్లాడుతూ
ఉక్కు కర్మాగార నిర్మాణం కోసం సీపీఐ ఆధ్వర్యంలో డిసెంబర్ 9 నుంచి 13 వరకు
కన్యతీర్థం నుంచి కడప కలెక్టరేట్‌ వరకు పాదయాత్ర చేపడతామని తెలిపారు.