“జల్సా” చిత్ర ప్రదర్శన ద్వారా రూ. 1 కోటి విరాళం సేకరించి అభిమానం చాటుకున్న జన సైనికులు

విజయవాడ : జనసేన పార్టీ అధ్యక్షులు పవన్ కళ్యాణ్ పుట్టిన రోజును
పురస్కరించుకొని “జల్సా” చలన చిత్రం ప్రత్యేకంగా ప్రపంచ వ్యాప్తంగా
ప్రదర్శించటం ద్వారా “నా సేన కోసం నా వంతు” అనే కార్యక్రమానికి రూ. 1 కోటి
విరాళం సేకరించి అభిమానం చాటుకున్నారు జన సైనికులు సాయి రాజేష్, ఎస్.కే.ఎన్.,
సతీష్ భొట్ట, ధర్మేంద్ర. రూ. 1 కోటి చెక్ రూపంలో జనసేన రాజకీయ వ్యవహారాల కమిటీ
సభ్యులు కొణిదెల నాగబాబు చేతుల మీదుగా గురువారం జనసేన అధ్యక్షులు పవన్
కళ్యాణ్ కి అందజేశారు. “జల్సా” చలన చిత్రం ప్రత్యేక ప్రదర్శనలో కీలక భూమిక
పోషించిన వారిలో ఉమా నాగేంద్ర, శ్రీధర్ ఉన్నారు. యతింద్ర, జ్ఞానవర్ష, నవీన్,
సహకరించారు.