రాయలసీమ జిల్లాల్లోనూ కూటమికే లీడ్‌
ఆధిక్యాల్లో మ్యాజిక్‌ ఫిగర్‌ దాటేసి
అమరావతి : ఏపీ అసెంబ్లీ ఎన్నికల ఫలితాల్లో కూటమి సునామీ సృష్టిస్తోంది. ఆధిక్యాల్లో మ్యాజిక్‌ ఫిగర్‌ (88)ను దాటేసి ఘన విజయం దిశగా దూసుకెళ్తోంది. ఇప్పటి వరకు టీడీపీ , జనసేన, భాజపా అభ్యర్థులు 120కి పైగా స్థానాల్లో ఆధిక్యంలో కొనసాగుతున్నారు. వైసీపీ కేవలం 15 చోట్ల మాత్రమే లీడ్‌లో ఉంది. తొలి రౌండ్‌ నుంచే కూటమి అభ్యర్థులు పూర్తిస్థాయిలో ఆధిపత్యాన్ని కనబర్చారు. ఉత్తరాంధ్ర, గోదావరి జిల్లాలతో పాటు ఉమ్మడి కృష్ణా, గుంటూరు, ప్రకాశం, శ్రీపొట్టిశ్రీరాములు నెల్లూరు జిల్లాల్లో సత్తా చాటారు. వైసీపీకి పట్టు ఉన్నట్లుగా భావించే రాయలసీమ జిల్లాల్లోనూ కూటమికే లీడ్‌ రావడం గమనార్హం.
