వైయస్సార్ కాంగ్రెస్ పార్టీలో చేరిన జనసేన, తెలుగుదేశం నేతలు

పశ్చిమ గోదావరి జిల్లా బ్యూరో ప్రతినిధి : తేతలిలో నైట్ స్టే పాయింట్ వద్ద రాజోలు, పి.గన్నవరం నియోజకవర్గాల నుంచి జనసేన, తెలుగుదేశం పార్టీలకు చెందిన కీలక నేతలు వైయస్సార్ కాంగ్రెస్ పార్టీలో చేరారు. జనసేన, టీడీపీల నుంచి వైయస్సార్ కాంగ్రెస్ పార్టీలో చేరిన నేతలకు ముఖ్యమంత్రి జగన్ మోహన్ రెడ్డి కండువా వేసి వైయస్సార్సీపీలోకి ఆహ్వానించారు. ముఖ్యమంత్రి వైయస్.జగన్ సమక్షంలో వైయస్సార్ కాంగ్రెస్ పార్టీలో చేరిన రాజోలు జనసేన కీలక నేత బొంతు రాజేశ్వరరావు, మాజీ పీఏసీ చైర్మన్ మేకల వీరవెంకట సత్యనారాయణ (ఏసుబాబు), టి. త్రిమూర్తులు, ఎం.నరసింహస్వామి, దొమ్మేటి సత్యనారాయణ, మంద సత్యనారాయణ, మాజీ సర్పంచ్ కేశనపల్లి డి సూర్యనారాయణ ఉన్నారు. రాజోలు జనసేన పార్టీ నుంచి బొంతు రాజేశ్వరరావు సారధ్యంలో జనసేన సర్పంచ్ కాకర శ్రీను, చింతా సత్యప్రసాద్ వైయస్సార్సీపీలో చేరారు .