రాష్ట్రస్థాయి క‌విత‌ల పోటీల్లో రాజ‌శేఖ‌ర్ కు ప్ర‌త్యేక బ‌హుమ‌తి

విజ‌య‌వాడ‌, ప్రత్యేక ప్రతినిధి : విజ‌య‌వాడకు చెందిన క‌వి పాణిగ్రాహి రాజ‌శేఖ‌ర్ కు ప్ర‌త్యేక బ‌హుమ‌తి ల‌భించింది. కొత్త‌గూడెం భ‌ద్రాద్రి జిల్లాలోని పాల్వంచ క‌ళా ప‌రిష‌త్ ఆధ్వ‌ర్యంలో ఉగాది పండుగను పురస్కరించుకునినిర్వహించిన ఉభ‌య తెలుగు రాష్ట్రాల క‌విత‌ల పోటీల్లో విజేత‌ల‌ను నిర్వాహ‌కులు ఘ‌నంగా స‌న్మానించారు. న‌గ‌రానికి చెందిన సీనియ‌ర్ జ‌ర్న‌లిస్ట్‌, క‌వి పాణిగ్రాహి రాజ‌శేఖ‌ర్ రాసిన “చౌర్యం..మీకెంత ధైర్యం” శీర్షిక‌తో రాసిన క‌విత‌కు ప్ర‌త్యేక‌ బ‌హుమ‌తి ల‌భించింది. పాల్వంచ‌లో జ‌రిగిన అవార్డుల ప్ర‌దానోత్స‌వంలో పాణిగ్రాహి రాజ‌శేఖ‌ర్‌కు ప్రోత్సాహ‌క న‌గ‌దు బ‌హుమ‌తితో పాటు మెమొంటో అంద‌జేసి ఘ‌నంగా స‌త్క‌రించారు. కార్య‌క్ర‌మంలో ఆంధ్ర‌ప్ర‌దేశ్‌, తెలంగాణ రాష్ట్రాల‌కు చెందిన ప‌లువురు సాహితీ వేత్త‌ల‌తో పాటు పాల్వంచకు చెందిన ప్ర‌ముఖులు, అధికారులు, ప‌రిష‌త్ కార్య‌ద‌ర్శి కొండ‌ల‌రావు త‌దిత‌రులు పాల్గొన్నారు.