మోపిదేవి సుబ్రహ్మణ్యేశ్వరుని సేవలో జర్నలిస్ట్ నేత యేమినేని కుటుంబసభ్యులు

అవనిగడ్డ (మోపిదేవి ) : కృష్ణాజిల్లా మోపిదేవి లో వేంచేసియున్న శ్రీ వల్లీ దేవసేన సమేత శ్రీ సుబ్రహ్మణ్యేశ్వర స్వామి వారిని సీనియర్ జర్నలిస్ట్, ఆంధ్రప్రదేశ్ మీడియా ప్రొఫెషనల్ అసోసియేషన్ రాష్ట్ర కార్యదర్శి, నవ్యాంధ్ర రచయితల సంఘం రాష్ట్ర అధికార ప్రతినిధి యేమినేని వెంకట రమణ కుటుంబ సభ్యులతో కలిసి దర్శించుకున్నారు. స్వామివారి దర్శనానికి ఆలయానికి వచ్చిన యేమినేని వెంకట రమణకు ఆలయ సిబ్బంది, జర్నలిస్టులు సాదర స్వాగతం పలికారు.కుటుంబ సభ్యులతో కలిసి యేమినేని నాగపుట్టలో పాలుపోసిన అనంతరం, గర్భాలయంలో కొలువైన శ్రీ సుబ్రహ్మణ్యేశ్వర స్వామివారిని దర్శించుకున్నారు. ఈ సందర్భంగా ఆలయ అర్చకులు స్వామివారికి ప్రత్యేక పూజలు నిర్వహించి తీర్థ ప్రసాదాలు అందించారు.భక్తవత్సలుడుగా, భక్తజనుల నీరాజనాలు అందుకుంటున్న శ్రీ సుబ్రహ్మణ్యేశ్వర స్వామి వారి సన్నిధిలో యేమినేని వెంకట రమణ,పద్మ దంపతుల మనువడు… యేమినేని వెంకట నాగేందర్, దివ్య శ్రుతి ల తనయుడు యేమినేని రాజ్ హావీష్ అన్నప్రాసన కార్యక్రమాన్ని అర్చక స్వాముల పర్యవేక్షణలో సాంప్రదాయబద్ధంగా నిర్వహించారు.