కొత్తపేట సి ఐ తిప్పా గణేష్ ని కలిసిన వేణుగోపాల స్వామి గుడి పాలకవర్గం
విజయవాడ : కొత్తపేట పోలీసు స్టేషన్ సి ఐ గా భాద్యతలు చేపట్టిన తిప్పా గణేష్ ని సోమవారం కొత్తపేట లోని శ్రీ సత్యభామ రుక్మిణి సమేత శ్రీ వేణుగోపాల స్వామి ఆలయం పాలకవర్గం సభ్యులు మర్యాద పూర్వకంగా కలిశారు. సి ఐ కి శాలువా కప్పి తమ అభినందనలు తెలిపారు. ఇప్పటికీ వరకు ఇక్కడ పని చేసిన వారిలాగే ఎలాంటి మచ్చ లేకుండా విధులు నిర్వహించాలని, మంచి పేరు తెచ్చుకోవాలని వారు సి ఐ కి శుభాకాంక్షలు తెలిపారు. సి ఐ ని కలిసిన వారిలో వేణు గోపాల స్వామి ఆలయ పాలకవర్గం అధ్యక్షులు వంజరపు సూర్యారావు, పాలకవర్గం సభ్యులు నమ్మి భాను ప్రకాష్, వెంకట రమణ ఉన్నారు. ఫిబ్రవరి 1న వేణుగోపాల స్వామీ ఆలయ ప్రాంగణంలో ఉన్న 8 షాపులను బహిరంగ వేలం వేయనున్నామని, అందుకోసం పోలీసు బందోబస్తు ఏర్పాటు చేయాలని సి ఐ కి వినతిపత్రం అందజేశారు.
