జాతరలా సాగుతున్న యువగళం పాదయాత్ర

విశాఖపట్నం : యువనేత నారా లోకేష్ చేపట్టిన చారిత్రాత్మక యువగళం పాదయాత్ర
చివరిఘట్టానికి చేరింది. 226వరోజు పాదయాత్రలో లోకేష్ తో కలిసి అడుగులు
వేస్తున్న తల్లి నారా భువనేశ్వరి, ఇతర కుటుంబసభ్యులు. గాజువాక నియోకవర్గం
సిడబ్ల్యుసి-1 నుంచి పండుగ వాతావరణంలో ప్రారంభమైన పాదయాత్ర. వివిధ రకాల
నృత్యాలు, గరగలు, డప్పులచప్పులు, బాణాసంచా మోతలతో దద్దరిల్లుతున్న స్టీల్
ప్లాంట్ ప్రాంతం. అడుగడుగునా బ్రహ్మరథం పడుతున్న ప్రజలు, రోడ్లవెంట బారులు
తీరిన జనం. యువనేతకు సంఘీభావంగా ప్లకార్డులు చేతబూని తరలివచ్చిన స్టీల్
ప్లాంట్ కార్మికులు. ఈరోజు సాయంత్రం గ్రేటర్ విశాఖ పరిధిలోని గాజువాక
నియోజకవర్గం శివాజీనగర్ లో యువగళం పాదయాత్ర ముగింపు. చారిత్రక ఘట్టానికి
గుర్తుగా సాయంత్రం శివాజీనగర్లో పైలాన్ ను యువనేత లోకేష్
ఆవిష్కరించనున్నారు.