శ్రీకాకుళం : ముఖ్యమంత్రి వైఎస్ జగన్మోహన్ రెడ్డి ఈనెల 14న జిల్లాలోని పలాస, కంచిలి మకరాంపురంలలో పర్యటిస్తున్నారని ఆయన పర్యటనని విజయవంతం చేయాలని వైఎస్ఆర్సిపి జిల్లా అధ్యక్షులు ధర్మాన కృష్ణదాస్ ఒక ప్రకటనలో పిలుపునిచ్చారు. మకరాంపురంలో డాక్టర్ వైస్సార్ సుజలధార ఉద్దానం మంచి నీటి ప్రాజెక్టుని, పలాసలో కిడ్నీ రీసెర్చ్ సెంటర్ ను సీఎం జగన్ ప్రారంభిస్తున్నారని తెలిపారు. అక్కడే 60 ఎకరాల్లో నిర్మించనున్న ఇండస్ట్రియల్ పార్కు కూడా శంకుస్థాపన చేస్తారని తెలిపారు. దశాబ్దాల తరబడి ఉన్న కిడ్నీ వ్యాధుల సమస్యకు శాశ్వత పరిష్కారాన్ని చూపిన జగనన్నకు జేజేలు పలకాలని అన్నారు. ఆయా కార్యక్రమాలకు జిల్లా వ్యాప్తంగా భారీ సంఖ్యలో వైఎస్ఆర్సిపి శ్రేణులు, ప్రజానీకం హాజరై విజయవంతం చేయాలని కోరారు.
రేపటి పాతపట్నం యాత్రకు తరలి రావాలి
ఈనెల 13న పాతపట్నంలో జరిగే సామాజిక సాధికార బస్సు యాత్రని కూడా జయప్రదం చేయాలని కృష్ణదాస్ పిలుపునిచ్చారు. బీసీ ఎస్సీ ఎస్టీ మైనారిటీలకు పెద్ద ఎత్తున మేలు చేసిన ప్రభుత్వానికి కృతజ్ఞతలు తెలిపే ఈ కార్యక్రమానికి పాతపట్నం నియోజకవర్గం లోని శ్రేణులు అంతా హాజరై విజయవంతం చేయాలని పిలుపునిచ్చారు.
