నేడు విజయనగరం జిల్లాలో నారా భువనేశ్వరి పర్యటన

విజయనగరం : తెలుగుదేశం పార్టీ జాతీయ అధ్యక్షులు, మాజీ ముఖ్యమంత్రి నారా చంద్రబాబు నాయుడు సతీమణి నారా భువనేశ్వరి నేడు విజయనగరం జిల్లాలో పర్యటించనున్నారు. జిల్లాలోని ప్రభుత్వాస్పత్రిలో చికిత్స పొందుతున్న రైలు ప్రమాద బాధితులను పరామర్శించనున్నారు. ఉదయం రాజమహేంద్రవరంలో బయలుదేరి రోడ్డు మార్గంలో నారా భువనేశ్వరి విజయనగరానికి చేరుకుంటారు. చెల్లూరు జంక్షన్ వద్ద ఉదయం 11గంటలకు నారాభువనేశ్వరికి ఉమ్మడి విజయనగరం జిల్లా తెలుగుదేశం పార్టీ నేతలు స్వాగతం పలుకుతారు. అక్కడ నుంచి నేరుగా జిల్లా కేంద్ర ఆస్పపత్రిలో చికిత్స పొందుతున్న క్షతగాత్రులను పరామర్శించనున్నారు. ఈ పర్యటనలో టీడీపీ నేతలు పాల్గొనాలని తెలిపారు. ఈ మేరకు టీడీపీ పార్టీ అధిష్ఠానం ఓ ప్రకటనను విడుదల చేసింది.
[https://bloomtimes.org/images/Hemalatha_/Nara%20bhuvaneshwari.jpg]