ద్వారకాతిరుమల : గోపాలపురం నియోజకవర్గం ద్వారకాతిరుమల శ్రీ వెంకటేశ్వరస్వామిని రాష్ట్ర పౌరసరఫరాలు, వినియోగదారుల శాఖ మంత్రి డాక్టర్ కారుమూరి వెంకట నాగేశ్వరరావు దర్శించుకున్నారు. దసరా శరన్నవరాత్రులు చివరి రోజు కావడం వల్ల మంత్రి చిన్న వెంకన్నను దర్శించి విశిష్ట పూజలు జరిపారు. ఈ సందర్భంగా ఆలయకార్య నిర్వహణ అధికారి త్రినాధరావు మంత్రికి ఆలయ మర్యాదలతో స్వాగతం పలికారు. స్వామివారి దర్శనం అనంతరం మంత్రి కారుమూరి వెంకట నాగేశ్వరావు ఆలయ మర్యాదలతో శేష వస్త్రాన్ని సత్కరించారు. స్వామివారి ప్రసాదాన్ని ఆలయ ఈవో అందజేశారు. ఆలయ అర్చకులు వేద ఆశీర్వచనలు అందజేశారు.
అనంతరం మంత్రి మాట్లాడుతూ రాష్ట్ర ప్రజలందరికీ దసరా శుభాకాంక్షలు తెలిపారు. ఈ దసరా సందర్భంగా రాష్ట్ర ప్రజలందరికి శుభం కలగాలని, సుఖసంతోషాలతో అష్టైశ్వర్యాలతో రాష్ట్ర ప్రజలందరూ బాగా ఉండాలని మంత్రి పేర్కొన్నారు. రాష్ట్ర అభివృద్ధికై నిరంతరం ఆలోచన చేస్తున్న వ్యక్తి సీఎం వైఎస్ జగన్మోహన్ రెడ్డి కి ఆయురారోగ్యాలు ప్రసాదించాలని ఆ చిన్న వెంకన్నను కోరుకున్నానన్నారు. రాష్ట్రంలో ఒకపక్క సంక్షేమము మరోపక్కఅభివృద్ధి రెండు కళ్ళుగా భావించి పరిపాలన చేస్తున్న సీఎం వైయస్ జగన్మోహన్ రెడ్డి కి ఈ విజయదశమి సందర్భంగా ఆ కనకదుర్గ అమ్మవారి దీవెనలు ఎల్లవేళలా ఇలానే ఉండాలని కోరుకున్నానని మంత్రి తెలిపారు.
