బీజేపీ జాతీయ అధ్యక్షుడు జేపీ నడ్డా
న్యూఢిల్లీ : ఏపీలో రాజకీయ పరిణామాలపై బీజేపీ జాతీయ అధ్యక్షుడు జేపీ నడ్డాతో చర్చించినట్టు ఆ పార్టీ నేత సుజనా చౌదరి తెలిపారు. శుక్రవారం ఢిల్లీలో ఆయన మీడియాతో మాట్లాడుతూ చంద్రబాబు అరెస్టు వెనుక బీజేపీ పాత్ర ఉందని వైసీపీ దుష్ప్రచారం చేస్తోందన్నారు. వైసీపీ చేస్తోన్న ప్రచారాన్ని తిప్పికొట్టాలని నడ్డా సూచించారని తెలిపారు. రాష్ట్రంలో పరిణామాలను నిశితంగా గమనిస్తున్నామని నడ్డా చెప్పారని వెల్లడించారు. వచ్చే ఎన్నికల్లో ఏపీలో భాజపా అనుసరించాల్సిన వ్యూహంపై కూడా పార్టీ అధ్యక్షుడితో చర్చించినట్టు సుజనాచౌదరి తెలిపారు.
