అగ్ర రాజ్యంలో ఏపీ విద్యార్ధుల ప్రతిభ

యు ఎస్ డిపార్ట్ మెంట్ ఆఫ్ స్టేట్ అధికారులతో మీటింగ్

ఆంధ్రప్రదేశ్ లో అమలవుతున్న విద్యా విధానంపై విద్యార్థుల వివరణ

అమెరికా విద్యావిధానాన్ని మన విద్యార్ధులకు వివరించిన ప్రతినిధులు

ఏపీ లో అమలవుతున్న డిజిటల్ ఎడ్యుకేషన్, టోఫెల్ విధానానికి ప్రశంసలు

జెండర్ ఈక్వాలిటి, గర్ల్ చైల్డ్ ఎడ్యుకేషన్ కోసం సీఎం వైఎస్ జగన్ కృషికి
అభినందనలు

విజయవాడ : ఆంధ్రప్రదేశ్‌లో విద్యారంగానికి ముఖ్యమంత్రి వైఎస్ జగన్ మోహన్
రెడ్డి ఇస్తున్న ప్రాధాన్యత, పేద విద్యార్ధులను పెద్ద చదవులు చదివించాలనే ఆయన
సంకల్పం ఎంతో ప్రతిష్టాత్మమైన అమెరికా ప్రభుత్వ ప్రతినిధులతో సమావేశమయ్యేలా
చేసింది. పదిరోజుల అమెరికా పర్యటనలో ఉన్న మన ఏపీ ప్రభుత్వ పాఠశాల విద్యార్ధులు
మంగళవారం ముఖ్యమైన యు ఎస్ డిపార్ట్ మెంట్ ఆఫ్ స్టేట్ సమావేశంలో పాల్గొనే
అవకాశం దక్కించుకున్నారు మన విద్యార్ధులు. ఐక్యరాజ్య సమితి సభ్యుడు ఉన్నవ
షకిన్ కుమార్, ఎస్ పీడీ శ్రీనివాస్, కే జీ సెక్రటరీ మధుసూధనరావు నేతృత్వంలోని
బృందం ఈ సమావేశంలో పాల్గొంది. అమెరికాలో అమలవుతున్న విద్యావిధానం పై అమెరికా
ప్రతినిధి రోసీ ఎడ్మండ్ మన విద్యార్ధులకు అర్ధమయ్యేలా వివరించారు. ఏపీ
ప్రభుత్వం అందించే విద్యా ప్రయోజనాల ప్రాముఖ్యత వారి జీవితాలపై దాని ప్రభావం
గురించి ఒక ప్రదర్శనను అందించారు. విద్యార్థులు గోరుముద్ద పథకం గురించి వారి
ఖాతాల్లోకి రూ. 15000 అందుకోవడం వల్ల వారి తల్లులకు ప్రయోజనం కలుగుతుందని
వివరించారు.

ఆంధ్రప్రదేశ్‌లో ప్రస్తుతం సీఎం జగన్‌మోహన్‌రెడ్డి తీసుకువచ్చిన నూతన
విద్యావిధానం అది ప్రతి ఒక్క విద్యార్ధికి ఎలా ఉపయోగ పడుతుందో విద్యా ర్ధులు
చెప్పారు. నాడు నేడు కింద క్లాస్ రూమ్ స్ట్రక్చర్ పూర్తిగా మార్చిన విధానం
ఫోటోలను మన విద్యార్ధులు వారికి చూపించారు. క్లాస్ రూమ్స్ ప్రైవేటుకు ధీటుగా
డిజిటల్ బోర్స్డ్ ఇంటరాక్టివ్ ఫ్లాట్ ప్యానెల్స్, ఫర్నీచర్, ప్లేగ్రౌండ్స్,
డిజిటల్ లైబ్రరీ, ఆడపిల్లలకు సానీటరీ నాప్కిన్స్, బాలికల కోసం ఏర్పాటు చేసిన
నూతన టాయిలెట్స్ గురించి చక్కగా వివరించారు మన విద్యార్ధులు. స్కాలర్‌షిప్‌తో
USA, కెనడా, ఆస్ట్రేలియా, యు కే లోని అగ్రశ్రేణి విశ్వవిద్యాలయాలలో ప్రవేశాలు
పొందేందుకు జగనన్న విదేశీ విద్యా కానుక పెట్టారని చెప్పారు. ఇది యు ఎస్ ఏ లోని
200 విశ్వవిద్యాలయాలతో ఈ పథకం ద్వారా పేద విద్యార్థులు యు ఎస్ ఏలో
చదువుకోవాలనే వారి కలను సాధించేలా చేస్తోందని వారు చెప్పారు.

ఇండియా డెస్క్ ఆఫీసర్, క్వాడ్, యు ఎస్డిపార్ట్మెంట్ ఆఫ్ స్టేట్ రజనీ ఘోష్
మాట్లాడుతూ విద్యార్థులు పెద్ద చదువులు చదివి జీవితంలో ఉన్నత శిఖరాలను
సాధించాలని ప్రోత్సహించారు. తాను స్టాన్ఫోర్డ్ యూనివర్సిటీలో చదివి డిప్లొమాట్
కావడానికి చాలా కష్టపడ్డానని విద్యార్థులకు చెప్పింది. విద్యార్థులకు ఇంగ్లీష్
చాలా మంచిదని, వారు కష్టపడి పని చేసి మంచి విద్యా ఫలితాలను సాధిస్తే
భవిష్యత్తులో భవిష్యత్ దౌత్యవేత్తలు కూడా అవుతారని ఆమె చెప్పారు. యుఎస్
డిపార్ట్మెంట్ ఆఫ్ స్టేట్లో ఇండియా డెస్క్ ఆఫీసర్గా ఉన్న ఆమె, యుఎస్ఎలో ఉన్నత
చదువుల కోసం ఆంధ్రప్రదేశ్ రాష్ట్రానికి చెందిన విద్యార్థులకు మార్గనిర్దేశం
చేయడానికి తమ విభాగం సిద్ధంగా ఉందని విద్యార్థులకు చెప్పారు. విద్యార్థు్లు
చెప్పినవన్ని విన్న తరువాత, ఆమె విద్యార్థుల విశ్వాసాన్ని మెచ్చుకుంది.
విద్యార్ధినులను యు ఎస్ ఏ డెలిగేషన్కు పంపినందుకు ఆంధ్రప్రదేశ్ ముఖ్యమంత్రికి
కృతజ్ఞతలు తెలిపారు, ఇది రాష్ట్రంలోని లక్షలాది మంది విద్యార్థులకు విద్యను
మొదటి ప్రాధాన్యతగా తీసుకోవడానికి ఉపయోగపడుతుందని ఆమె అన్నారు.

సీనియర్ ఆఫీసర్, ఎడ్యుకేషన్ యు ఎస్ ఏ , యు ఎస్ డిపార్ట్మెంట్ ఆఫ్ స్టేట్
రోజీ ఎడ్మండ్ మాట్లాడూతూ యు ఎస్ ఏ లో ఉన్నత విద్యను అభ్యసించే అవకాశాల
గురించి విద్యార్థులకు వివరించారు. కొలంబియా, ప్రిన్స్టన్, హార్వర్డ్,
న్యూయార్క్ స్టేట్ యూనివర్శిటీ మొదలైన ప్రఖ్యాత విశ్వవిద్యాలయాలలో ప్రవేశాలు
పొందేందుకు ప్రభుత్వ పాఠశాలల్లో టోఫెల్ శిక్షణ కార్యక్రమం పేద మెరిట్
విద్యార్థులకు సహాయ పడుతుందని ఆమె ప్రశంసించారు. యు ఎస్ ఏ లో ఇంటర్న్షిప్లు,
ఇతర ఎక్స్ఛేంజ్ ప్రోగ్రామ్లను అభ్యసించడానికి ప్రతిభావంతులైన విద్యార్థుల కోసం
బ్యూరోస్ ఎడ్యుకేషనల్ ప్రోగ్రామ్ల గురించి ఆమె విద్యార్థులకు వివరించారు.
వివిధ ఫెలోషిప్ ప్రోగ్రామ్ల క్రింద యు ఎస్ ఏ లో చదువుకోవడానికి
ప్రతిభావంతులైన విద్యార్థులకు ఉచిత ఆర్థిక సహాయం గురించి ఆమె వివరించారు. యు
ఎస్ ఏ లోని 400 యూనివర్శిటీలు యు ఎస్ డిపార్ట్మెంట్ ఆఫ్ స్టేట్ గుర్తింపు
పొందాయని, విద్యార్థులు ఈ విశ్వవిద్యాలయాలకు దరఖాస్తు చేసుకోవచ్చని, యు ఎస్ ఏ
ఎడ్యుకేషన్ యు ఎస్ ఏ మెరిట్ విద్యార్థులకు ఉచిత స్కాలర్షిప్, విమాన
ఛార్జీలు పొందడంలో సహాయపడుతుందని ఆమె విద్యార్థులకు వివరించారు.

అమెరికా ప్రభుత్వ అధికారులతో మీటింగ్ అనంతరం అమెరికాలో ఉన్నత విద్యా అవకాశాలపై
విద్యార్ధులు తమకున్న ప్రశ్నలకు సమాధానాలడిగి నివృత్తి చేసుకున్నారు.
బ్యూరోలు, భారత ప్రభుత్వం మధ్య సంబంధాలను బలోపేతం చేయడానికి విద్యార్థులకు
ఎలాంటి అవకశాలుంటాయని అమెరికా ప్రభుత్వ ప్రతినిధులను అడిగి తమ ప్రశ్నలకు
సమాధాలు రాబట్టుకున్నారు మన విద్యార్ధులు. యుఎస్ డిపార్ట్మెంట్ ఆఫ్ స్టేట్
సీనియర్ ఎక్స్టర్నల్ ఆఫీసర్ మోలీ స్టీఫెన్సన్ మాట్లాడుతూ విద్యార్థులు
ఇంగ్లీష్లో చక్కటి ప్రదర్శన ఇచ్చినందుకు ప్రశంసించారు. ఈ వయస్సులో
విద్యార్థులు చాలా ఆత్మవిశ్వాసంతో మాట్లాడడాన్ని తాను ఆశ్చర్యపోయానని అన్నారు.
ఆమె విద్య యొక్క ప్రాముఖ్యత గురించి మాట్లాడుతూ విద్యార్ధుల ప్రతినిధి బృందంలో
8 మంది బాలికలకు అవకాశం కల్పించినందుకు ఆంధ్రప్రదేశ్ ప్రభుత్తానికి అభినందనలు
తెలిపింది. భారత్-అమెరికా మధ్య సంబంధాలను బలోపేతం చేసేందుకు అమెరికా ప్రభుత్వం
ఎల్లప్పుడూ సిద్ధంగా ఉందని ఆమె అన్నారు. పాఠశాలల నిర్వహణ వ్యవస్థ, ప్రభుత్వం
యొక్క విద్యా కార్యక్రమాల అమలును కూడా ఆమె ప్రశంసించారు.