దాండియా, గార్భా మెగా ఈవెంట్

విజయవాడ : గార్భా, దాండియా నృత్యరీతుల కార్యశాల కోసం ఆన్ లైన్
రిజిస్ట్రేషన్లను ప్రారంభించామని క్రియేటివ్ సోల్ వ్యవస్ధాపకులు సుమన్ మీనా,
నేహా జైన్ తెలిపారు. వర్క్ షాపును ఈ నెల ఇరవై ఎనిమిదవ తేదీ నుండి అక్టోబరు 4వ
తేదీ వరకు నిర్వహిస్తామన్నారు. సెప్టెంబరు 27వ తేదీతో రిజిస్ట్రేషన్ల ప్రక్రియ
ముగుస్తుందన్నారు. బెంజ్ సర్కిల్ సమీపంలోని జ్యోతి కన్వేన్షన్ సెంటర్లో ఉదయం
11 గంటల నుండి ఒంటి గంట వరకు, సాయంత్రం 4 గంటల నుండి రాత్రి 10 గంటల వరకు
సాగే శిక్షణలో ఏదేని గంట నిడివిని ఔత్సాహిక కళాకారులు ఎంపిక చేసుకోవచ్చన్నారు.
ఈ నెల 28 సాయంత్రం ఆరు గంటలకు ప్రత్యేక దాండీయా ప్రదర్శన ఉంటుందని, ప్రధాన
ప్రయోజకులుగా జిఎం మాడ్యులర్ వ్యవహరిస్తుందన్నారు. మరిన్ని వివరాలకు
8008268885, 9803911717 నెంబర్లతో సంప్రదించవచ్చని నేహా జైన్ తెలిపారు. దసరా
వేడుకల నేపధ్యంలో అక్టోబరు 15వ తేదీన డాండియా, గార్బా 2023 మెగా ఈవెంట్
లబ్బీపేట ఎస్ఎస్ కన్వేన్షన్ సెంటర్ లో నిర్వహిస్తామని సుమన్ మీనా వివరించారు.
శిక్షణ కోసం గుజరాత్ లోని అహ్మదాబాద్ కు చెందిన స్టెప్ ఆప్ డాన్స్ అకాడమీ
నుండి ప్రత్యేకంగా శిక్షకులు వస్తున్నారని నిర్వాహకులు వివరించారు. సాధారణంగా
ఉత్తర భారత దేశానికే పరిమితం అయిన గార్బా, దాండియా నృత్యరీతులను ఆంధ్రప్రదేశ్
కు పరిచయం చేసే క్రమంలో 2017 సంవత్సరం నుండి తాము విజయవాడలో వర్క్ షాపును
నిర్వహిస్తున్నామన్నారు. దసరా వేడుక సందర్భంగా జరిగే మెగా ఈవెంట్ లో దాండియా,
గర్బా నృత్యాలతో పాటు గుజరాతీ సంగీత కళాకారులు పాటలు, వాద్య కళాకారులు వీనుల
విందైన సంగీతం అందిస్తారని సుమన్ మీనా పేర్కొన్నారు. కళలతో దేశసమైఖ్యతను
చాటేలా గుజరాతీ, రాజస్ధానీ పడతులు నిర్వహిస్తున్న ఈ కార్యక్రమానికి ఐదు
సంవత్సరాలుగా నగర వాసులు మంచి సహకారం అందించారన్నారు. విజయవాడ యువత కోసం
ప్రత్యేకంగా 17 రోజుల పాటు దాండియా శిక్షణా కార్యక్రమం ఉంటుందన్నారు.
ప్రదర్శనకారులలో పోటీతత్వాన్ని పెంపొందిస్తూ, ఉత్సాహభరిత ప్రదర్శనలను
ప్రోత్సహించే క్రమంలో నిపుణత ప్రదర్శించిన కళాకారులకు బహుమతులను
అందిస్తున్నామన్నారు. దుర్గాదేవికి మహిషాసురునికి మధ్య జరిగే యుద్దానికి
ప్రతీకగా ఉత్తర భారత దేశంలో దాండియా అడతారని, అమ్మవారికి హారతి ఇచ్చే ముందు
చిన్నా, పెద్ద కలిసి ఈ నృత్యం చేస్తారని నెహా జైన్ వివరించారు.