శాలువాతో సత్కరించి, పుష్పగుచ్ఛం అందజేసిన నూతన కార్యవర్గం
గుంటూరు : గుంటూరు జిల్లా తాడేపల్లి క్యాంపు కార్యాలయంలో రాష్ట్ర ముఖ్యమంత్రి
వైయస్ జగన్మోహన్ రెడ్డి ని ఎమ్మెల్సీ పర్వత రెడ్డి చంద్రశేఖర్ రెడ్డి
మర్యాదపూర్వకంగా కలిశారు. ఈ సందర్భంగా సీఎం పలు విషయాలను చంద్రశేఖర్ రెడ్డి ని
అడిగి తెలుసుకున్నారు. ఇటీవల నెల్లూరులో జరిగిన విద్యా సదస్సు గురించి
చంద్రశేఖర్ రెడ్డి సీఎం కి వివరించారు. విద్యా సదస్సు నిర్వహించడం పై సీఎం
జగన్మోహన్ రెడ్డి చంద్రశేఖర్ రెడ్డిని అభినందించారు. అలానే ఎమ్మెల్సీ
చంద్రశేఖర్ రెడ్డి పార్టీ బలోపేతానికి కృషి చేస్తున్నట్లుగానే ముందుకు
పోవాలని సీఎం చంద్రశేఖర్ రెడ్డికి సూచించారు.
వైఎస్‌ జగన్‌ను కలిసిన ఏపీజీఈఎఫ్‌ నూతన కార్యవర్గం : ఆంధ్రప్రదేశ్
గవర్నమెంట్‌ ఎంప్లాయిస్‌ ఫెడరేషన్‌ ఛైర్మన్‌గా రెండవ సారి ఏకగ్రీవంగా ఎన్నికైన
కాకర్ల వెంకట్రామిరెడ్డి సీఎం వైఎస్‌ జగన్‌ను క్యాంప్‌ కార్యాలయంలో
మర్యాదపూర్వకంగా కలిశారు. ఈ కార్యక్రమంలో ఏపీజీఈఎఫ్‌ గౌరవ ఛైర్మన్‌ గా
ఎన్నుకోబడిన ఎమ్మెల్సీ చంద్రశేఖర్ రెడ్డి (తూర్పు పట్టభద్రులు), కో ఛైర్మన్‌
చల్లా చంద్రయ్య, సెక్రటరీ జనరల్ అరవపాల్, ఇతర కార్యవర్గ సభ్యులు, ఎక్సైజ్‌
ఉద్యోగుల సంఘం అధ్యక్షుడు నర్సింహ తదితరులు పాల్గొన్నారు.
