అల్పాహారంగా చంద్రబాబుకు ఇంటి నుంచి ఫ్రూట్‌ సలాడ్‌

రాజమహేంద్రవరం : రాజమహేంద్రవరం జైలులో ఉన్న *టీడీపీ * అధినేత చంద్రబాబుకు ఇంటి
నుంచి అల్పాహారం వెళ్లింది. సోమవారం ఉదయం ఫ్రూట్‌ సలాడ్‌ను ఆయన సిబ్బంది
తీసుకెళ్లారు. చంద్రబాబుకు ఇంటి భోజనానికి న్యాయస్థానం అనుమతి ఇచ్చిన
నేపథ్యంలో ఫ్రూట్‌ సలాడ్‌తో పాటు వేడి నీళ్లు, బ్లాక్‌ కాఫీని కుటుంబసభ్యులు
పంపారు.

చంద్రబాబుతో ములాఖత్‌కు కుటుంబసభ్యులకు అనుమతి : మరోవైపు చంద్రబాబుతో
ములాఖత్‌కు ముగ్గురు కుటుంబసభ్యులకు జైలు అధికారులు అనుమతి ఇచ్చారు. ములాఖత్‌
సమయంలో చంద్రబాబు సతీమణి భువనేశ్వరి, కుమారుడు లోకేశ్‌, కోడలు బ్రాహ్మణి
ఆయన్ను కలవనున్నారు. కాసేపట్లో చంద్రబాబుకు వైద్యపరీక్షలు నిర్వహించనున్నారు.
ఆయన్ను ఉంచిన స్నేహ బ్లాక్‌ ఎదురుగానే జైలు ఆస్పత్రిలో పరీక్షలు చేయనున్నారు.