చంద్రబాబు అరెస్ట్‌ అక్రమం కాదు..అనివార్యం: మంత్రి అంబటి రాంబాబు

గుంటూరు : చంద్రబాబుది అక్రమ అరెస్టు‌కాదని, అనివార్యమైన అరెస్టు మంత్రి అంబటి
రాంబాబు తెలిపారు. భారీగా అక్రమాలు చేసినా చంద్రబాబును అరెస్టు చేయకపోతే
రాజ్యాంగానికి విలువ ఏముంటుందని పేర్కొన్నారు. సీఐడీవారికి ఫ్రీ హ్యాండ్
ఇవ్వటం వలన కేసుకు అనుగుణంగా వారు వ్యవహరించారని చెప్పారు. అధికారంలో
ఉన్నప్పుడు అడ్డగోలుగా చేసినందునే చంద్రబాబు అరెస్టు అయ్యారని మంత్రి అంబటి
అన్నారు. స్కిల్ కేసులో ఇప్పుడు అరెస్టు అయ్యారని, ఇంకా రింగు రోడ్డు, ఫైబర్
నెట్ కేసుల్లోనూ విచారణ జరుగుతుందని తెలిపారు. చంద్రబాబు అరెస్టుకు ముందు చాలా
లోతైన విచారణ జరిగిందన్నారు. షెల్ కంపెనీలకు డబ్బు తరలించి, తర్వాత తన
ఖాతాలోకి వేసుకున్నట్టు తేలిందని పేర్కొనఆనరు. సీమెన్స్ కంపెనీతో సంబంధం
లేకుండానే వ్యవహారం నడిపారన్నారు. ఆ కంపెనీ కూడా ఈ విషయం చెప్పిందని, రూ.330
కోట్ల ప్రజాధనాన్ని దోచుకొని లూటీ చేశారని విమర్శించారు.