ఆంధ్రరత్న భవన్ లో విశ్రాంత ఉపాధ్యాయులకు సన్మానం

విజయవాడ : మాజీ రాష్ట్రపతి స్వర్గీయ సర్వేపల్లి రాధాక్రిష్ణన్ జయంతిని
పురస్కరించుకుని విజయవాడలోని కాంగ్రెస్ రాష్ట్ర ప్రధాన కార్యాలయం ఆంధ్రరత్న
భవన్ లో ఉపాధ్యాయ దినోత్సవాన్ని మంగళవారం నిర్వహించారు. ఏపీ పీసీసీ అధ్యక్షులు
గిడుగు రుద్రరాజు ఆధ్వర్యంలో విశ్రాంత ఉపాధ్యాయులకు సన్మానం చేశారు. విజయవాడ,
రామవరప్పాడు గ్రామంలోని పొట్టిశ్రీరాములు మున్సిపల్ హైస్కూల్ లో దశాబ్ధాలుగా
వేలాది విద్యార్ధులను ఉత్తమ పౌరులుగా తీర్చిదిద్దిన విశ్రాంత ప్రధాన
ఉపాధ్యాయురాలు గంటా విశ్రాంతమ్మ, మరో విశ్రాంత స్పెషల్ గ్రేడ్ టీచర్ సీయోన్
కుమారిలను పీసీసీ అధ్యక్షులు గిడుగు రుద్రరాజు స్వయంగా శాలువాతో సత్కరించి
వారి ఆశీస్సులు అందుకున్నారు. కార్యక్రమంలో కాంగ్రెస్ పార్టీకి చెందిన పలువురు
ముఖ్య నేతలు పాల్గొన్నారు.