గవర్నర్ కు వీడ్కోలు పలికిన కర్నూలు జిల్లా ఇంఛార్జి మంత్రి బుగ్గన రాజేంద్రనాథ్

కర్నూలు : శ్రీ రాఘవేంద్ర స్వామి 352వ ఆరాధనోత్సవాలలో పాల్గొని తిరుగు
ప్రయాణమైన గవర్నర్ అబ్దుల్ నజీర్ కు కర్నూలు జిల్లా ఇంఛార్జి మంత్రి బుగ్గన
రాజేంద్రనాథ్ వీడ్కోలు పలికారు. శుక్రవారం సాయంత్రం ఉయ్యాలవాడ నరసింహారెడ్డి
విమానాశ్రయం నుంచి బెంగళూరు బయలుదేరిన రాష్ట్ర గవర్నర్ కు రాష్ట్ర ఆర్థిక
శాఖ మంత్రి బుగ్గన రాజేంద్రనాథ్ వీడ్కోలు పలికారు. ఈ కార్యక్రమంలో
జిల్లాపరిషత్ చైర్మన్ ఎర్రబోతుల పాపిరెడ్డి , జిల్లా ఎస్పీ జి.కృష్ణకాంత్,
నంద్యాల పార్లమెంటు సభ్యులు పోచా బ్రహ్మానంద రెడ్డి, ఎం.ఎల్.సి ఇషాక్ భాష,
కర్నూల్ మున్సిపల్ కమిషనర్ భార్గవ్ తేజ, కర్నూల్ ఆర్డీవో హరి ప్రసాద్,
విమానాశ్రయ డైరెక్టర్ విద్యాసాగర్ , ఓర్వకల్ తహశీల్దార్ శివప్రసాద్ రెడ్డి
తదితరులు పాల్గొన్నారు.