సీజీఎఫ్ నిధుల వినియోగంపై ఏపీ ప్రభుత్వ ఉత్తర్వులపై హైకోర్టు స్టే

వెలగపూడి : కామన్ గుడ్ ఫండ్ సొమ్మును దేవాదాయ శాఖ కార్యాలయాలకు వినియోగించడంపై
ఆంధ్రప్రదేశ్ హైకోర్టు బుధవారం అభ్యంతరం తెలిపింది. సీజీఎఫ్ నిధులతో
ప్రభుత్వాన్ని నడపలేరని, ఇప్పుడు నిర్మాణాలకు అనుమతిస్తే రేపటి రోజున
ఆఫీసుల్లో స్టేషనరీకి ఈ సొమ్మునే వినియోగిస్తారని వ్యాఖ్యానించింది. సీజీఎఫ్
నిధులను కార్యాలయాల నిర్మాణాలకు వినియోగిస్తున్నారని ఓ విలేకరి హైకోర్టులో
పిల్ దాఖలు చేశారు. నిబంధనల మేరకే నిధులు ఉపయోగించాలని, ఆ సొమ్మును ధూపదీప
నైవేద్యానికే వినియోగించాలని పిటిషనర్ పేర్కొన్నారు. ఇరువైపుల వాదనలు విన్న
అనంతరం దేవాదాయ శాఖ కార్యాలయాల నిర్మాణాలకు సీజీఎఫ్ నిధుల వినియోగంపై
ప్రభుత్వం ఇచ్చిన ఉత్తర్వులపై హైకోర్టు స్టే విధించింది.