వైసీపీలో చేరిన సత్తెనపల్లి మాజీ ఎమ్మెల్యే యర్రం వెంకటేశ్వర రెడ్డి

గుంటూరు : సీఎం క్యాంప్‌ కార్యాలయంలో ముఖ్యమంత్రి వైఎస్‌ జగన్‌ సమక్షంలో
సత్తెనపల్లి మాజీ ఎమ్మెల్యే యర్రం వెంకటేశ్వర రెడ్డి వైఎస్‌ఆర్‌ కాంగ్రెస్‌
పార్టీలో చేరారు. వెంకటేశ్వర రెడ్డితో పాటు వైఎస్‌ఆర్‌సీపీలో ఆయన కుమారుడు
నితిన్‌ రెడ్డి, సత్తెనపల్లి బీజేపీ కన్వీనర్‌ పక్కాల సూరిబాబు చేరారు.
సత్తెనపల్లి నుంచి 2004, 2009 సార్వత్రిక ఎన్నికల్లో ఎమ్మెల్యేగా యర్రం
వెంకటేశ్వర రెడ్డి ఎన్నికయ్యారు. జల వనరుల శాఖ మంత్రి అంబటి రాంబాబు,
నరసరావుపేట ఎంపీ లావు శ్రీకృష్ణ దేవరాయలు, టీటీడీ ఛైర్మన్‌ వైవీ సుబ్బారెడ్డి,
ఏపీఎండీసీ డైరెక్టర్‌ గాదె సుజాత ఈ కార్యక్రమానికి హాజరయ్యారు.