రష్మిక మరోమారు వివాదాస్పద వ్యాఖ్యలు..

తాను కాంతారాను చూడలేదని ఇటీవల స్టార్ హీరోయిన్ రష్మిక మందన్న పేర్కొనడంతో
పెద్ద వివాదం చెలరేగింది. కొంతమంది తోటి ఆర్టిస్టులు ఆమెకు మద్దతుగా నిలిచారు.
ఇప్పుడు ఆ వేడి తగ్గింది. అయితే తాజాగా రష్మిక చేసిన వ్యాఖ్యలు దక్షిణాది
అభిమానులకు ఏమాత్రం నచ్చకపోవడంతో మళ్లీ ఆమె ఇబ్బందుల్లో పడింది. ఆమె ప్రస్తుతం
తన కొత్త బాలీవుడ్ చిత్రం మిషన్ మజ్ను ప్రమోషన్‌లో బిజీగా ఉంది. ఇది త్వరలో
నెట్‌ఫ్లిక్స్‌లో రిలీజ్ కానుంది.
రొమాంటిక్ సాంగ్స్ విషయంలో బాలీవుడ్ బెస్ట్ అని, చిన్నప్పటి నుంచి తనకు
అవి ఇష్టమని రష్మిక అభిప్రాయపడింది. నిజానికి సౌత్ సినిమా మాస్ మసాలా పాటలు,
ఐటెం నంబర్లు, డ్యాన్స్ నంబర్లకు ప్రసిద్ధి చెందింది. ఈ క్రమంలో ఆమె
ఉద్దేశపూర్వకంగానే సౌత్ సినిమాని కించపరిచిందని నెటిజన్లు వ్యాఖ్యానించడం
ప్రారంభించారు. దానికి సంబంధించిన ఆమె వీడియో వైరల్‌గా మారింది. మరి ఇది
ఎక్కడ ముగుస్తుందో వేచి చూడాలి మరి.