పెద్ద మొత్తంలో నీరు ఉన్న జంట గ్రహాలను గుర్తించిన హబుల్ టెలిస్కోప్

218 కాంతి సంవత్సరాల దూరంలో రెండు గ్రహాలు

సగం భాగం పైగా నీరు ఉన్నట్టు అంచనా

అమెరికా అంతరిక్ష పరిశోధన సంస్థ నాసాకు చెందిన హబుల్ టెలిస్కోప్ రెండు కొత్త
గ్రహాలను ఆవిష్కరించింది. నీటి జాడలున్న జంట గ్రహాలను ఈ స్పేస్ టెలిస్కోప్
గుర్తించింది. ఇవి ఓ నక్షత్ర మండలంలో భాగంగా ఉన్నాయని, ఈ రెండు గ్రహాలు భూమి
పరిమాణం కంటే ఒకటిన్నర రెట్లు పెద్దవని ఖగోళ శాస్త్రవేత్తలు వెల్లడించారు. ఇవి
ఓ ఎర్రని మరుగుజ్జు నక్షత్రం చుట్టూ పరిభ్రమిస్తున్నాయని తెలిపారు. లిరా
నక్షత్ర మండలంలో 218 కాంతి సంవత్సరాల దూరంలో ఈ కొత్త గ్రహాలు ఉన్నట్టు
తెలిపారు. ఈ రెండు గ్రహాలు నీటితో నిండి ఉన్నాయని పేర్కొన్నారు. వీటికి
కెప్లెర్-138సి, కెప్లెర్-138డి అని నామకరణం చేశారు. ఈ రెండు గ్రహాల్లో
అత్యధిక భాగం నీరు ఉన్నట్టు అంచనా వేస్తున్నారు.