ఆర్.ఆర్.ఆర్. సినిమాకు గ్లోబల్‌ అవార్డులు

ఆర్ఆర్ఆర్ సినిమా విడుదలైన దగ్గరి నుంచి ఎన్నో అవార్డులు, రివార్డులనూ సొంతం
చేసుకున్న సంగతి తెలిసిందే. తాజాగా ఈ చిత్రం గోల్డెన్ గ్లోబ్ అవార్డ్ – 2023కి
నామినేట్ అయింది. ఉత్తమ చిత్రం, ఉత్తమ సంగీత దర్శకుడు విభాగాల్లో ఈ చిత్రం
నామినేట్ అయింది. ఆంగ్లేతర భాషా చిత్రాల విభాగంలో గోల్డెన్ గ్లోబ్ అవార్డులకు
ఆర్ఆర్ఆర్ చిత్రం నామినేట్ కావడం విశేషం. ఈ చిత్రం ఇప్పటికే ‘లాస్ఏంజెల్స్
ఫిల్మ్ క్రిటిక్స్ అసోసియేషన్’ బెస్ట్ మ్యూజిక్ కేటగిరిలో కీరవాణి ఉత్తమ
సంగీత దర్శకుడిగా ఎంపికయ్యారు. అలాగే బోస్టన్ సొసైటీ ఆఫ్ ఫిల్మ్ క్రిటిక్స్ లో
కూడా కీరవాణి బెస్ట్ ఒరిజినల్ స్కోర్ విన్నర్ అవార్డును గెలుచుకున్న విషయం
తెలిసిందే. తాజాగా మరో అవార్డుకు ఆర్ఆర్ఆర్ చిత్రం నామినేట్ కావడంతో అభిమానులు
ఫుల్ ఖుషీ అవుతున్నారు.