ఇషాన్ కిషన్‌ డబుల్ సెంచరీపై రోహిత్ శర్మ స్పందన

బంగ్లాదేశ్‌పై డబుల్ సెంచరీ కొట్టిన యంగ్‌బ్యాట్స్‌మెన్ ఇషాన్ కిషన్‌కు
అభినందనలు వెల్లువెత్తున్నాయి. మాజీ క్రికెటర్లు, ప్రస్తుత క్రికెటర్ల నుంచి
క్రికెట్ ఫ్యాన్స్ వరకు అందరూ అతడిపై ప్రశంసల జల్లు కురిపిస్తున్నారు. సోషల్
మీడియా వేదికగా అభినందనలు తెలుపుతున్నారు. ఈ జాబితాలో టీమిండియా కెప్టెన్
రోహిత్ శర్మ కూడా చేరిపోయాడు. ద్విశతకం సాధించిన ఇషాన్‌ కిషన్‌కు ప్రత్యేకంగా
ఒక నోట్ రాశాడు. ‘‘ ఈ క్లబ్‌లో మజాయే వేరు, ఇషాన్ కిషన్’’ అని
ఇన్‌స్టాగ్రామ్‌లో రోహిత్ రాసుకొచ్చాడు. ఈ నోట్ ద్వారా అంతర్జాతీయ వన్డే
క్రికెట్‌లో డబుల్ సెంచరీలు సాధించిన ఆటగాళ్ల జాబితాలోకి ఇషాన్ కిషన్‌కు
స్వాగతం పలికాడు.