మూడవ, చివరి వన్డే మ్యాచ్‌లో భారత్ 227 పరుగుల తేడాతో బంగ్లాదేశ్‌ను
ఓడించింది. ఇషాన్ కిషన్ వన్డే క్రికెట్ చరిత్రలో అత్యంత వేగంగా డబుల్ సెంచరీ
కొట్టాడు. బ్యాటింగ్‌కు దిగిన తర్వాత భారత్ 8 వికెట్ల నష్టానికి 409 పరుగులు
చేసింది. కిషన్ 131 బంతుల్లో 210 పరుగులు చేయగా, విరాట్ కోహ్లీ ఆగస్టు 2019
తర్వాత తన మొదటి వన్డే సెంచరీని ఛేదించాడు. గాయపడిన రోహిత్ శర్మ స్థానంలో
కిషన్ 24 పరుగులు చేశాడు. మూడు వన్డేల సిరీస్ లో ఇప్పటికే రెండు మ్యాచుల్లో
విజయం సాధించిన బంగ్లాదేశ్ సిరీస్ ను 2-1 తేడాతో కైవసం చేసుకుంది. శనివారం
జరిగిన మ్యాచులో తొలుత బ్యాటింగ్ చేసిన టీమిండియా బంగ్లాదేశ్ ముందు 410 పరుగుల
భారీ లక్ష్యాన్ని నిర్దేశించింది. బంగ్లాదేశ్ బ్యాట్స్‌మెన్ లో షకీబ్ (43)
మినహా మిగతా ఏ ఆటగాడూ చెప్పుకోదగ్గ రీతిలో బ్యాటింగ్ లో రాణించలేదు.
బంగ్లాదేశ్ బ్యాట్స్‌మెన్ లో అనముల్ 8, లిట్టన్ దాస్ 29, షకీబ్ 43, రహీం 7,
యాసిర్ అలీ 25, ముహ్ముదుల్లా 20, అఫిఫ్ 8, మెహెదీ హసన్ 3, టాస్కిన్ అహ్మద్ 17,
ఎదాబత్ 0, ముస్తాఫిజర్ రెహ్మాన్ 13 పరుగులు చేశారు.
దీంతో 34 ఓవర్లకు బంగ్లాదేశ్ 182 పరుగులు మాత్రమే సాధించింది. టీమిండియా
బౌలర్లలో శార్దూల్ ఠాకూర్ 3, అక్షర్ పటేల్, ఉమ్రాన్ మాలిక్ రెండేసి వికెట్లు,
కుల్దీప్ యాదవ్, వాషింగ్టన్ సుందర్, సిరాజ్ ఒక్కో వికెట్ చొప్పున తీశారు. ఈ
మ్యాచులో భారత బ్యాట్స్‌మెన్‌లో శిఖర్ ధావన్ 3, ఇషాంత్ కిషన్ 210 (131
బంతుల్లో 10 సిక్సులు, 24 ఫోర్ల సాయంతో), విరాట్ కోహ్లీ 113 (90 బంతుల్లో 2
సిక్సులు, 11 ఫోర్ల సాయంతో) పరుగులు చేశారు. శ్రేయాస్ అయ్యర్ 3, కేఎల్ రాహుల్
8, వాషింగ్టన్ సుందర్ 37, అక్షర్ పటేల్ 20, శార్దూల్ ఠాకూర్ 3, కుల్దీప్ యాదవ్
3 (నాటౌట్), మొహమ్మద్ సిరాజ్ 0 (నాటౌట్) పరుగులు చేశారు.
టీమిండియా స్కోరు 50 ఓవర్లకు 409/8గా నమోదైంది. బంగ్లా బౌలర్లలో షకీబ్ హసన్,
ఎదాబత్, టస్కిన్ అహ్మద్ రెండేసి వికెట్లు తీయగా, మెహిదీ హసన్, ముస్తాఫఇజుర్
రెహ్మాన్ చెరో వికెట్ తీశారు. కాగా, భారత్-బంగ్లాదేశ్ మధ్య టెస్టు సిరీస్ ఈ
నెల 14 నుంచి ప్రారంభం కానుంది.
