సంజయ్ లీలా భన్సాలీ సంగీత ఆల్బమ్ సుకూన్ 7న విడుదల

చిత్రనిర్మాత సంజయ్ లీలా భన్సాలీ సోమవారం తన మొదటి ఒరిజినల్ మ్యూజిక్
ఆల్బమ్‌ను సుకూన్ పేరుతో ప్రకటించారు. ఈ ఆల్బమ్ అన్ని ప్రముఖ స్ట్రీమింగ్
యాప్‌లలో డిసెంబర్ 7న విడుదల కానుంది. గుజారిష్ , గోలియోన్ కి రాస్లీలా
రామ్-లీలా, గంగూబాయి కతియావాడి వంటి తన దర్శకత్వానికి సంగీతం అందించిన
భన్సాలీ సరికొత్తగా ఓ ఆల్బమ్ రూపొందించాడు. కోవిడ్-19 మహమ్మారి ప్రేరేపిత
లాక్‌డౌన్‌ల రెండేళ్ళలో తాను సుకూన్ (శాంతి అని అర్థం) ను సృష్టించానని
చెప్పాడు. ” రెండేళ్ళపాటు కోవిడ్ కష్టాల మధ్య, నేను ‘సుకూన్’ని
రూపొందిస్తున్నప్పుడు శాంతి, నిశ్శబ్దం, ప్రేమను కనుగొన్నాను. వింటున్నప్పుడు
మీరు కూడా అదే కనుగొంటారని నేను ఆశిస్తున్నాను” అని ప్రశంసలు పొందిన దర్శకుడు
ఒక ప్రకటనలో తెలిపారు. ఇదిలా ఉండగా, సంజయ్ లీలా భన్సాలీ ‘సుకూన్’ అనే
మ్యూజిక్ ఆల్బమ్‌లో భాగంగా ఒరిజినల్ పాటల సెట్‌ను విడుదల చేయనున్నట్లు
ప్రకటించినప్పటి నుంచి, మొత్తం ఆల్బమ్ విడుదల కోసం ప్రేక్షకులు ఉత్కంఠగా
ఎదురుచూస్తున్నారు.