రష్యాపై చమురు ధర పరిమితి ఆంక్షలు..

ఉక్రెయిన్ పై యుద్ధం ప్రారంభించిన నాటి నుంచి రష్యాకు కళ్లెం వేసేందుకు
అమెరికాతో పాటు యూరోపియన్ యూనియన్ దేశాలు తీవ్రంగా ప్రయత్నిస్తూనే ఉన్నాయి. ఈ
క్రమంలో గ్యాస్ సరఫరా విషయంలో యూరప్ దేశాలకు పుతిన్ చుక్కలు చూపిస్తున్నారు.
ఉక్రెయిన్ పై యుద్ధం కొనసాగిస్తున్న రష్యా ఇప్పటికే పాశ్చాత్య దేశాల నుంచి
అనేక ఆంక్షలను ఎదుర్కొంటోంది. దీంతో పుతిన్ ప్రభుత్వం ఆర్థికంగానూ కొంత
ఇబ్బందులకు గురవుతోంది. అయితే, ఈ వేడిని మరింతగా పెంచేందుకు ఈయూ ప్రణాళికను
సిద్ధం చేసింది. ఇందులో భాగంగా ఇకపై రష్యా నుంచి దిగుమతి చేసుకునే చమురు ధరను
ఒక్కో బ్యారెల్ కు కేవలం 60 డాలర్లుగా ధర నిర్ణయించింది. రష్యా చమురుపై
బ్యారెల్‌కు ధర పరిమితి విధించడంతో యూరోపియన్ యూనియన్ జీ-7 దేశాల్లో
చేరుతుందని పోలిష్ రాయబారి శుక్రవారం తెలిపారు. ఉక్రెయిన్‌పై యుద్ధం
చేసినందుకు రష్యాను శిక్షించడానికి, దాని సైనిక నిధుల కొరత కోసం పోలాండ్
ప్రణాళిక ఆమోదాన్ని అంగీకరించడాన్ని వాయిదా వేసింది. యూరోపియన్ యూనియన్
పోలాండ్ రాయబారి ఆండ్రెజ్ శాంటోస్ మాట్లాడుతూ… “మేము అధికారికంగా ఓ
నిర్ణయానికి వచ్చాం. రష్యాపై తొమ్మిదో రౌండ్ ఆంక్షలు విధించేందుకు సభ్య దేశాలు
అంగీకరించాయి” అని పేర్కొన్నాడు.