అమెరికా సింగర్ జేక్ ఫ్లింట్ హఠాన్మరణంపై అనుమానాలు..

అమెరికాలోని ఓక్లహోమాకు చెందిన ప్రముఖ సింగర్ జేక్ ఫ్లింట్ పెళ్లైన కొన్ని
గంటలకే మృతి చెందాడు. జేక్ ఫ్లింట్ మరణించినట్లు అతడి మేనేజర్ క్లిఫ్ డోయల్
ధృవీకరించాడు. జేక్ ఫ్లింట్ వయసు 37ఏళ్లు. జేక్ ఫ్లింట్.. స్థానికంగా ఫేమస్
సింగర్. ఈ నెల 26న అతడికి పెళ్లి అయ్యింది. బ్రెండా విల్సన్‌ను వివాహం
చేసుకున్నాడు. వీరి పెళ్లి వేడుక ఎంతో గ్రాండ్ గా జరిగింది. అయితే, పెళ్లైన
కొన్ని గంటలకే నిద్రలోనే జేక్ ఫ్లింట్ మరణించడం సంచలనంగా మారింది. జేక్ మృతిపై
అతడి కుటుంబానికి చెందిన ఒక ప్రతినిధి క్లిఫ్ డోయల్ స్పందించాడు. అతని మరణం
“కొవిడ్-19 వ్యాక్సిన్‌తో ఏ విధంగానూ సంబంధం లెదు” అని ఖండించాడు.
పోస్టుమార్టం‌నివేదికలు వచ్చాకే ఓ నిర్ణయానికి రాగలమని అన్నాడు.