కియారా అద్వానీ సస్పెన్స్ పోస్ట్! – డిసెంబర్ 2 వరకూ ఆగాలట..

బాలీవుడ్‌లో మోస్ట్ హ్యాపెనింగ్ కపుల్స్ విషయానికి వస్తే సిద్ధార్థ్
మల్హోత్రా, కియారా అద్వానీలు ప్రధానంగా ఉంటారు. ఒకటి కంటే ఎక్కువ సందర్భాల్లో
తమ సంబంధాన్ని “దాదాపు అధికారికం”గా మార్చుకున్న జంట సోషల్ మీడియాలో నిత్యం
అప్ డేట్ గా ఉంటుంది. ఇక ఈవెంట్‌లు, పార్టీలలో కూడా వారు కలిసి కనిపిస్తారు.
వీరిద్దరూ వచ్చే ఏడాది ప్రారంభంలో పెళ్లి చేసుకోబోతున్నారని పుకార్లు
వ్యాపించాయి. తాజాగా కియారా అద్వానీ తన ఇన్‌స్టాగ్రామ్ ఖాతాలో సెల్ఫ్ షార్ట్
వీడియోను అప్‌లోడ్ చేసింది. ఆ వీడియోలో సిద్ధార్థ్ మల్హోత్రాతో కలిసి
నవ్వుతున్నఆమె ఆకర్షణీయమైన మెరుపుతో అందంగా కనపడుతుంది. ఈ పోస్ట్ తో పాటు ఆమె
ఓ క్యాప్షన్ కూడా ఇచ్చింది. అందులో ఇలా పేర్కొంది. “అతి త్వరలో మేము ఒక
విషయాన్ని ప్రకటిస్తాము. డిసెంబర్ 2 వరకు వెయిట్ చేయండి…” అంటూ పోస్ట్
చేసిన వీడియో ఇప్పుడు వైరల్ గా మారింది.