అధ్యాపకురాలికి లవ్ ప్రపోజల్..! – పోలీసుల అదుపులో ముగ్గురు విద్యార్థులు

కళాశాలలో అసభ్యకరమైన వ్యాఖ్యలు చేసి, మహిళా ఆధ్యాపకురాలిపై వేధింపులకు
ప్రయత్నించారని ఆరోపిస్తూ ముగ్గురు ఇంటర్ విద్యార్థులపై కేసులు నమోదు చేసిన
సంఘటన ఉత్తరప్రదేశ్‌లోని మీరట్‌ జిల్లా కిథోర్ లో చోటు చేసుకుంది. మైనర్లుగా
ఉన్న వారిని పోలీసులు అదుపులోకి తీసుకుని విచారిస్తున్నారు. విద్యార్థులు
సోషల్ మీడియాలో షేర్ చేసిన షార్ట్ మూవీని కూడా రికార్డ్ చేశారు. విద్యార్థులు
క్లిప్‌లో తమ బోధకురాలిని “జాన్” అని సంబోధిస్తూ..ఆమెకు “ఐ లవ్ యు” చెప్పారు.
అంతే కాకుండా, అమె గురించి అసభ్యకరమైన పదజాలాన్ని ఆ వీడియోలో విద్యార్థులు
వాడారు. ఇంటర్మీడియట్ చదువుతున్న ముగ్గురు విద్యార్థులు గత కొన్ని వారాలుగా
తనను వేధిస్తున్నారని పేర్కొంటూ మహిళా అధ్యాపకురాలు శుక్రవారం పోలీసులకు
ఫిర్యాదు చేసింది. చాలా సందర్భాల్లో విద్యార్థులు తనపై అసభ్యకరమైన వ్యాఖ్యలు
చేయడం, వెంటపడటం చేశారని ఆమె ఆ ఫిర్యాదులో పేర్కొంది.