నాకౌట్‌కు ఫ్రాన్స్‌

స్టార్‌ ప్లేయర్‌ కిలియన్‌ ఎంబప్పే డబుల్‌ గోల్స్‌తో మెరవడంతో.. డిఫెండింగ్‌
చాంప్‌ ఫ్రాన్స్‌ వరల్డ్‌కప్‌ నాకౌట్‌కు దూసుకెళ్లింది. గ్రూప్‌-డిలో శనివారం
జరిగిన మ్యాచ్‌లో ఫ్రాన్స్‌ 2-1తో డెన్మార్క్‌పై విజయం సాధించింది. ఎంబప్పే
(61వ, 86వ) రెండు గోల్స్‌ చేయగా.. డెన్మార్క్‌ తరఫున ఆండ్రెస్‌
క్రిస్టియన్‌సెన్‌ (68వ) గోల్‌ సాధించాడు. ఆడిన రెండు మ్యాచ్‌ల్లోనూ నెగ్గిన
ఫ్రెంచ్‌ టీమ్‌ మొత్తం 6 పాయింట్లతో రౌండ్‌-16కు దూసుకెళ్లింది. ఆఖరి
మ్యాచ్‌లో ట్యునీసియాతో ఫ్రాన్స్‌ తలపడాల్సి ఉంది.