రణవీర్ డబుల్ ధమాకా! – సినిమా పోస్టర్ల ఆవిష్కరణ

రణవీర్ సింగ్, అతని సర్కస్ కుటుంబంతో కలిసి రోలర్‌కోస్టర్ రైడ్‌కి వెళ్లి..
“డబుల్ మ్యాడ్‌నెస్” అనుభవించడానికి సిద్ధంగా ఉండాలని అభిమానులకు
పిలుపునిచ్చాడు. డిసెంబర్ 23న థియేటర్లలో వినోదాన్ని పంచేందుకు వస్తున్నాఅంటూ
రణవీర్ పలు విషయాలను తన ఇన్ స్టాగ్రామ్ లో శనివారం వెల్లడించాడు. తన చిత్రం
కొత్త పోస్టర్‌లను బ్యాక్-టు-బ్యాక్ షేర్ చేసి అభిమానులను థ్రిల్ చేశాడు.
రోహిత్ శెట్టి దర్శకత్వం వహిస్తున్న ఈ చిత్రంలో రణవీర్ ద్విపాత్రాభినయంలో
కనిపించనున్నారు. సర్కస్ కుటుంబంలో జాక్వెలిన్ ఫెర్నాండెజ్, పూజా హెగ్డే,
వరుణ్ శర్మ, టికు తల్సానియా, జానీ లివర్, సంజయ్ మిశ్రా, రాజేష్ హిర్జీ
తదితరులు ఉన్నారు. కొత్త పోస్టర్‌లను పంచుకుంటూ, రణవీర్ సింగ్ ఇలా రాశాడు…
“డబుల్ పిచ్చి! అందరికీ క్రిస్మస్ ఫెస్టివల్!” అంటూ కొన్ని చమత్కారమైన
ఎమోజీలతో పోస్ట్ చేశాడు.