అర్జున్ రాంపాల్ కు కుమార్తె మైరా బర్త్ డే విషెష్ ఇలా…

బాలీవుడ్ యాక్టర్ అర్జున్ రాంపాల్ తన పుట్టినరోజు వేడుకలు ఘనంగా
జరుపుకున్నారు. రాంపాల్ కు జన్మదిన శుభాకాంక్షలు తెలుపుతూ సోషల్ మీడియాలో
పోస్టింగ్ లు వెల్లువెత్తాయి. ఆయన సన్నిహితులు సైతం పుట్టినరోజు సందేశాలతో
ఇంటర్నెట్‌ను ముంచెత్తారు. అర్జున్ రాంపాల్ చిన్న కుమార్తె మైరా తండ్రితో
కలిసి ఉన్న ఓ ఫొటోను తన ఇన్ స్టాగ్రామ్ లో పోస్ట్ చేస్తూ బర్త్ డే విషెష్
తెలియజేసింది. మైరాతో పాటు తన అక్క మహికా చిన్నపిల్లలుగా ఉన్నప్పుడు తండ్రితో
కలిసి ఉన్నఅనేక చిత్రాలను షేర్ చేసింది. మైరా పోస్ట్ చేసిన ఫొటోలో అర్జున్
రాంపాల్ తన పిల్లలు మహికా, మైరాలను పట్టుకుని వున్నాడు. మరో ఫోటోలో మంచంపై
వారితో ఆహ్లాదంగా ఆడుకుంటున్నాడు. “పుట్టినరోజు శుభాకాంక్షలు డాడీ… నిన్ను
ఆప్యాయంగా ఆరాధిస్తాను.” అంటూ మైరా ఓ క్యాప్షన్ కూడా ఇచ్చింది. ఇక అర్జున్
మాజీ భార్య మెహర్ జెసియా కూడా లవ్ హార్ట్ ఎమోజీలను పోస్ట్ చేసింది.