గోండా (యూపీ) : యోగా పితామహుడిగా భావించే మహర్షి పతంజలి పేరు తమ వ్యాపారాలకు
వాడుకోవడం మానుకోవాలని బీజేపీ ఎంపీ బ్రిజ్‌ భూషణ్‌ శరణ్‌సింగ్‌ రామ్‌దేవ్‌
బాబాకు సూచించారు. ఆ మహానుభావుడి పేరును వాడుకుని పెద్ద వ్యాపార
సామ్రాజ్యాన్ని నిర్మించుకున్న రామ్‌దేవ్‌ పతంజలి పుట్టిన గ్రామానికి ఏమీ
చేయలేదని విమర్శించారు. రామ్‌దేవ్‌, పతంజలి ఎండీ బాలకృష్ణ వెంటనే తమ
బ్రాండ్‌కు పతంజలి పేరును వాడడం నిలిపివేయాలని డిమాండ్‌ చేశారు.
ఉత్తర్‌ప్రదేశ్‌ రాజధాని లఖ్‌నవూకు 140 కిలోమీటర్ల దూరంలో ఉన్న గోండా జిల్లా
కొండార్‌ గ్రామ పంచాయతీలో గురువారం ఆయన విలేకరులతో మాట్లాడారు. ‘‘మహర్షి
పతంజలి పేరును వాడుకుంటూ దేశంలో పెద్ద వ్యాపార సామ్రాజ్యాన్ని
నిర్మించుకున్నారు. వారి వ్యాపారం గురించి నాకు అనవసరం. కానీ, నెయ్యి,
సబ్బులు, ప్యాంట్లు, లోదుస్తులకు ఆయన పేరు వాడుకోవడం ఎంత వరకు సమంజసం? అయినా
వారికి ఆ హక్కు ఎవరిచ్చారు?’’ అని ప్రశ్నించారు. పేరు మార్చకుంటే ఉద్యమాన్ని
లేవనెత్తుతానని, న్యాయపరమైన చర్యలకు దిగుతామని హెచ్చరించారు. అయోధ్యకు వచ్చే
యాత్రికులు కొండార్‌ను సందర్శించాలని, పతంజలి పేరుతో నెయ్యి తింటున్న వారు ఆయన
స్వగ్రామం ఎలా ఉందో ఓ సారి చూడాలని విజ్ఞప్తి చేశారు. ఉత్తర్‌ప్రదేశ్‌లోని
కైసర్‌గంజ్‌ లోక్‌సభ నియోజకవర్గానికి బ్రిజ్‌ భూషణ్‌ నేతృత్వం వహిస్తున్నారు.
వాడుకోవడం మానుకోవాలని బీజేపీ ఎంపీ బ్రిజ్‌ భూషణ్‌ శరణ్‌సింగ్‌ రామ్‌దేవ్‌
బాబాకు సూచించారు. ఆ మహానుభావుడి పేరును వాడుకుని పెద్ద వ్యాపార
సామ్రాజ్యాన్ని నిర్మించుకున్న రామ్‌దేవ్‌ పతంజలి పుట్టిన గ్రామానికి ఏమీ
చేయలేదని విమర్శించారు. రామ్‌దేవ్‌, పతంజలి ఎండీ బాలకృష్ణ వెంటనే తమ
బ్రాండ్‌కు పతంజలి పేరును వాడడం నిలిపివేయాలని డిమాండ్‌ చేశారు.
ఉత్తర్‌ప్రదేశ్‌ రాజధాని లఖ్‌నవూకు 140 కిలోమీటర్ల దూరంలో ఉన్న గోండా జిల్లా
కొండార్‌ గ్రామ పంచాయతీలో గురువారం ఆయన విలేకరులతో మాట్లాడారు. ‘‘మహర్షి
పతంజలి పేరును వాడుకుంటూ దేశంలో పెద్ద వ్యాపార సామ్రాజ్యాన్ని
నిర్మించుకున్నారు. వారి వ్యాపారం గురించి నాకు అనవసరం. కానీ, నెయ్యి,
సబ్బులు, ప్యాంట్లు, లోదుస్తులకు ఆయన పేరు వాడుకోవడం ఎంత వరకు సమంజసం? అయినా
వారికి ఆ హక్కు ఎవరిచ్చారు?’’ అని ప్రశ్నించారు. పేరు మార్చకుంటే ఉద్యమాన్ని
లేవనెత్తుతానని, న్యాయపరమైన చర్యలకు దిగుతామని హెచ్చరించారు. అయోధ్యకు వచ్చే
యాత్రికులు కొండార్‌ను సందర్శించాలని, పతంజలి పేరుతో నెయ్యి తింటున్న వారు ఆయన
స్వగ్రామం ఎలా ఉందో ఓ సారి చూడాలని విజ్ఞప్తి చేశారు. ఉత్తర్‌ప్రదేశ్‌లోని
కైసర్‌గంజ్‌ లోక్‌సభ నియోజకవర్గానికి బ్రిజ్‌ భూషణ్‌ నేతృత్వం వహిస్తున్నారు.
