ఐదుగురు మృతి
18 మందికి గాయాలు
అమెరికాలో మరోసారి కాల్పుల కలకలం సృష్టించాయి. స్వలింగ సంపర్కుల కోసం ఏర్పాటు
చేసిన నైట్‌క్లబ్‌లో జరిగిన కాల్పుల్లో ఐదుగురు మృతిచెందారు. మరో 18 మంది
గాయపడ్డారు. అమెరికాలో మరోసారి తుపాకీ గర్జించింది. కొలరాడోలోని ఓ
నైట్‌క్లబ్‌లో జరిగిన కాల్పుల్లో ఐదుగురు మృతి చెందారు. మరో 18 మంది
గాయపడ్డారు. కొలరాడో స్ప్రింగ్స్‌ శివారులోని క్లబ్‌ క్యూలో ఈ ఘటన జరిగినట్లు
స్థానిక పోలీస్‌ లెఫ్టినెంట్ పమేలా కాస్ట్రో వెల్లడించారు. సమాచారం అందిన
వెంటనే అప్రమత్తమైన పోలీసులు ఘటనాస్థలాన్ని చుట్టుముట్టారని ఓ అనుమానితుడిని
అదుపులోకి తీసుకున్నట్లు చెప్పారు. కాగా రాత్రి 11:57 నుంచి 911 కాల్స్
వచ్చాయని ఆయన తెలిపారు.
